უკან

საზოგადოება

26 მარტი, 2019 11:50
font-size

ბავშვთა სისხლში ტყვიის მონიტორინგსა და წყლის ხარისხზე პრემიერ-მინისტრმა საკოორდინაციო საბჭოს სხდომა გამართა

ბავშვთა სისხლში ტყვიის მონიტორინგი და წყლის ხარისხი იყო სექტორთაშორისი საკოორდინაციო საბჭოს სხდომის მთავარი თემა, რომელიც პრემიერ-მინისტრის ხელმძღვანელობით მთავრობის ადმინისტრაციაში გაიმართა.

როგორც მთავრობის მეთაურმა საბჭოს სხდომაზე აღნიშნა, საქართველოში ჯერ კიდევ არის რეგიონები, სადაც ეკოლოგიის თვალსაზრისით მნიშვნელოვანი გამოწვევები რჩება. მამუკა ბახტაძის თქმით, საკოორდინაციო საბჭოში შემავალ უწყებებს შესაბამისი დავალება ჰქონდათ მიცემული, იმისთვის, რომ საქართველოს მასშტაბით წყლის ხარისხის მდგომარეობა შეესწავლათ.

პრემიერ-მინისტრის განცხადებით, კვლევის შედეგად გამოიკვეთა, რომ მთავრობის მიერ განხორციელებული ინვესტიციების შედეგად გარკვეულ ქალაქებში გაუმჯობესება აღინიშნება, თუმცა, წყლის ხარისხის შეუსაბამობა მაინც მნიშვნელოვან გამოწვევად რჩება.

„დღეს საკოორდინაციო საბჭოს სპეციალურ ფორმატში შევიკრიბეთ, რომ ვიმსჯელოთ გარემოს დაცვისა და ჩვენს მიერ დაანონსებული მწვანე ეკონომიკის განვითარების მიმართულებით განხორციელებულ ნაბიჯებზე და სამომავლოდ დაგეგმილ ღონისძიებებზე. მოგეხსენებათ, რომ ეს არის საკმაოდ კომპლექსური საკითხი. სამწუხაროდ, საქართველოში ჯერ კიდევ გვაქვს რეგიონები, სადაც ეკოლოგიის თვალსაზრისით რჩება მნიშვნელოვანი გამოწვევები. საკოორდინაციო საბჭოში შემავალ უწყებებს უკვე ჰქონდათ დავალება მიცემული, რომ შეესწავლათ წყლის ხარისხის მდგომარეობა საქართველოს მასშტაბით. გამოიკვეთა, რომ ჩვენს მიერ განხორციელებული ინვესტიციების შედეგად ჩვენ გვაქვს გაუმჯობესება გარკვეულ ქალაქებში, თუმცა, წყლის ხარისხის შეუსაბამობა მაინც რჩება მნიშვნელოვან გამოწვევად. შესაბამისად, ეს ჩვენი მხრიდანაც მოითხოვს უფრო აქტიური ნაბიჯების გადადგმას“, - განაცხადა მამუკა ბახტაძემ.

რაც შეეხება ბავშვთა სისხლში ტყვიის მოცულობის მონიტორინგს, პრემიერ-მინისტრის თქმით, აღნიშნული პრობლემა თანამედროვე სამყაროსთვის მნიშვნელოვან გამოწვევას წარმოადგენს და შესაბამისი პრევენციული ღონისძიებების განსაზღვრა, დაგეგმვა და მათი იმპლემენტაცია სასიცოცხლოდ მნიშვნელოვანია.

„ვიცი, რომ ამ მიმართულებით არაერთი ღონისძიება ჩატარდა, განხორციელდა სხვადასხვა საერთაშორისო პროექტი. ბუნებრივია, ჩვენ აქცენტი უნდა გავაკეთოთ მსოფლიო ჯანდაცვის ორგანიზაციის რეკომენდაციებზე და გამოვიყენოთ საუკეთესო გამოცდილება, რომელიც დაგროვდა დასავლეთის ქვეყნებში“, - განაცხადა მამუკა ბახტაძემ.

საკოორდინაციო საბჭო გარემოს დაცვის მიმართულებით 2018-2022 წლების გარემოსა და ჯანმრთელობის ეროვნული სამოქმედო გეგმის ფარგლებში ფუნქციონირებს და მას პრემიერ-მინისტრი ხელმძღვანელობს. სექტორთაშორისი საკოორდინაციო საბჭოს სხდომას საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი დავით სერგეენკო, გარემოს დაცვისა და სოფლის მეურნეობის მინისტრი ლევან დავითაშვილი და დაავადებათა კონტროლის ეროვნული ცენტრის ხელმძღვანელი, ამირან გამყრელიძე ესწრებოდნენ.

არცერთი სახელმწიფოს ელჩს უფლება არ აქვს ქვეყნის შიდა საკითხებში ჩაერიოს - „დაიცავი შენი წილი სამშობლო“

19 ივნისი, 2019 , 18:56

საერთაშორისო ასოციაცია „დაიცავი შენი წილი სამშობლო“ თბილისში ე. წ. გეი-პრაიდის ჩატარებასთან დაკავშირებით ზოგიერთი უცხოელი ელჩის მხარდამჭერ პოზიციას აპროტესტებს და ხელისუფლებას ადეკვატური რეაგირებისკენ მოუწოდე

„თბილისი პრაიდის“ მოწინააღმდეგეები ორგანიზატორთა ოფისთან გამაფრთხილებელ აქციას მართავენ

19 ივნისი, 2019 , 18:37

“ღირსების მარშის” გამართვის მოწინააღმდეგეები თბილისში, რამიშვილის ქუჩაზე, სადაც ორგანიზატორთა ოფისი მდებარეობს, გამაფრთხილებელ აქციას მართავენ. აქციის მონაწილის ლევან ჩაჩუას თქმით, ისინი სახელმწიფოს კიდევ ერთ

საქართველოში აშშ-ის საელჩო პრაიდის კვირეულთან დაკავშირებით თანამშრომლებს ურჩევს, შეკრების ადგილებს თავი აარიდონ

19 ივნისი, 2019 , 18:00

საელჩოს მიერ გავრცელებულ განცხადებაში ნათქვამია, რომ LGBTQI თემის წევრები და მხარდამჭერები  შაბათს, 22 ივნისს, თბილისში პრაიდის კვირეულის აღნიშვნას პრაიდით ან/და საჯარო ღონისძიებით გეგმავენ. როგორც გა

საგამოცდო ბარათების ამობეჭდვა აპლიკანტებს 20 ივნისიდან შეეძლებათ

19 ივნისი, 2019 , 17:47

2019 წლის გამოცდების ჩაბარების მსურველები ბარათების ამობეჭდვას 20 ივნისიდან შეძლებენ. შეფასებისა და გამოცდების ეროვნული ცენტრის ინფორმაციით, ამისათვის საჭიროა, აპლიკანტი რეგისტრაციის დროს გამოყენებული ელექტრონული ფო

თბილისის მერიამ ტურისტული ობიექტების ვირტუალური რეალობის აპლიკაციას შექმნაზე ტენდერი გამოაცხადა

19 ივნისი, 2019 , 17:05

თბილისის მერია ტურისტული ობიექტების ვირტუალური რეალობის აპლიკაციას შექმნის. საუბარია 360-გრადუსიანი ხედვის 22 აუდიო/ვიდეო რგოლის, მათ შორის დრონით გადაღებული ორი ვიდეოს დამზადებაზე. აპლიკაციაში შემდეგი ტურისტული ობიექტებ

იუსტიციის საბჭო უზენაესი სასამართლოს მოსამართლეების კანდიდატებთან დაკავშირებულ საჯარო ინფორმაციას არ გასცემს - კოალიცია „დამოუკიდებელი და გამჭვირვალე მართლმსაჯულებისთვის“

19 ივნისი, 2019 , 16:55

იუსტიციის უმაღლესი საბჭო უზენაესი სასამართლოს მოსამართლეების კანდიდატებთან დაკავშირებულ საჯარო ინფორმაციას არ გასცემს, - ამის შესახებ განცხადებას კოალიცია „დამოუკიდებელი და გამჭვირვალე მართლმსაჯულებისთვის“ ავ