უკან

პოლიტიკა

8 ივნისი, 2018 13:00
font-size

ბესელიას არ ვენდობი, მადანაშაულებს, რომ ჩემი შვილის სულით ვმანიპულირებ - ზაზა სარალიძე

ხორავას ქუჩაზე მოკლული დავით სარალიძის მამა, ზაზა სარალიძე აღნიშნული მკვლელობის შესასწავლად შექმნილი დროებითი საპარლამენტო საგამოძიებო კომისიის ხელმძღვანელ სერგი კაპანაძეს ხვდება.

როგორც სარალიძემ აღნიშნა, 17-კაციანი კომისიიდან ის მხოლოდ უმრავლესობის წევრ, ეკა ბესელიას არ ენდობა.

„ბესელიას რატომ არ ვენდობი? „რუსთავი 2“-ზე კადრები გადაახვიეთ და მიხვდებით. ადამიანი, რომელიც მადანაშაულებს იმაში, რომ თითქოს რომელიმე პოლიტიკურ პარტიას მივეცი საშუალება, ჩემი შვილის სულით მანიპულირებდეს, ამ ადამიანს არ ვენდობი. კომისიას იმ ნაწილში ვენდობი, რომ აუცილებლად გამოააშკარავებენ პირებს, ვინც ეს საქმე გააყალბა და შეთითხნა“, – განმარტა სარალიძემ.

სარალიძემ ბესელიას აცილება მოითხოვა.

მან ასევე დასძინა, რომ იმედი ჰქონდა, რომ გუშინ მირზა სუბელიანს დააკავებდნენ. სარალიძის თქმით, 9-საათიანი დაკითხვა არ იყო საჭირო და უბრალოდ სუბელიანსა და შსს-ს შორის მოლაპარაკებები მიმდინარეობდა.

„თქვენ დარწმუნებული ხართ, რომ გუშინ ამ კაცის დაკითხვას ცხრა საათი სჭირდებოდა? მე არ მგონია, რომ ეს იქ დასაკითხად ყოფილიყო. ალბათ, მოლაპარაკება მიდიოდა იმასთან დაკავშირებით, დაეკავებინათ თუ არა. პირველი დაკითხვაა გრძელვადიანი და შემდეგ ინფორმაციების დაზუსტებებია. მერე ერთი ან ორი საათი შეიძლებოდა დაკითხვა“, – თქვა სარალიძემ.

სარალიძის თქმით, ის კომისიას მის ხელთ არსებულ ყველა ინფორმაციას მიაწვდის. გარდა ამისა, მან ახსნა, რომ გუშინდელ შეხვედრაზე სერგი კაპანაძესთან ზოგადად ისაუბრა, დღეს კი დეტალურ ინფრომაციას მიაწვდის.

სარალიძემ ისაუბრა პრემიერისთვის წაყენებულ ულტიმატუმზე. მისი თქმით, თუ 10 ივნისამდე მისი შვილის მკვლელობასა და დანაშაულის დაფარვაში მონაწილე პირებს არ დააკავებენ, აქციები ჩვეულებრივად გაგრძელდება.

„ძალიან დიდი იმედი მაქვს, რომ იმ პირებს გამოააშკარავებენ, ვინც ეს საქმე შეკერა. 10 ივნისამდე კონკრეტულ ნაბიჯებს ველოდები. შოთაძე , იმ დღესვე ვამბობდი, რომ დასაკავებელი იყო და ფაქტია, რომ არ დაუკავებიათ.

გამოძიების შედეგები ძალიან კარგად ვიცი. ჩემი გეგმები კარგად იცით. 10 ივნისამდე მივეცი ვადა, კონკრეტული პირები ჩამოვუთვალე, რომლის დაკავების აბსოლუტური საფუძველი გააჩნიათ. თუ არ დააკავებენ, აქციები ჩვეულებრივად გაგრძელდება, იმის მოთხოვნით, რომ სამართლიანობა აუცილებლად უნდა აღდგეს. 10 ივნისს აქციაზე, რა თქმა უნდა, ვიქნები, თუ კონკრეტულ ნაბიჯებს არ დავინახავთ“, – აღნიშნა სარალიძემ.

პარლამენტმა ხორავას ქუჩის საქმეზე დროებითი საგამოძიებო კომისია 6 ივნისს დაამტკიცა. კომისიის სხდომა დღეს 13:00 საათზეა დანიშნული.

საქართველო მთავრობა არასოდეს ჩაერევა დამოუკიდებელი შტოს საქმიანობასა და ფუნქციონირებაში - მამუკა ბახტაძე

18 იანვარი, 2019 , 16:12

საქართველო მთავრობა არასოდეს ჩაერევა დამოუკიდებელი შტოს საქმიანობასა და ფუნქციონირებაში, ეს დრო ჩვენს ქვეყანაში დასრულდა, – ამის შესახებ პრემიერ-მინისტრმა, მამუკა ბახტაძემ დღევანდელ ბრიფინგზე, სასამართლო რეფორმასთა

მამუკა ბახტაძე ოფიციალური ვიზიტით ლიეტუვას და დავოსს ეწვევა

18 იანვარი, 2019 , 15:24

საქართველოს პრემიერ-მინისტრი მამუკა ბახტაძე ოფიციალური ვიზიტით ლიეტუვას და დავოსს ეწვევა. როგორც მამუკა ბახტაძემ ბრიფინგზე განაცხადა, ლიეტუვა არის საქართველოს მხარდამჭერი ქვეყანა და ოფიციალური ვიზიტის შემდეგ ქვეყნებს შორ

ევროკავშირის მიერ საქართველოსთვის 3,4 მილიარდი ევროს გამოყოფა არის კიდევ ერთ დადასტურება იმისა, რომ საქართველო არის ევროკავშირის საიმედო პარტნიორი - მამუკა ბახტაძე

18 იანვარი, 2019 , 15:06

ევროკავშირის მიერ საქართველოსთვის 3,4 მილიარდი ევროს გამოყოფა არის კიდევ ერთ დადასტურება იმისა, რომ საქართველო არის ევროკავშირის საიმედო პარტნიორი, - ამის შესახებ საქართველოს პრემიერ-მინისტრმა მამუკა ბახტაძემ მთავრობის ს

ევროკავშირმა საქართველოში რეფორმების მხარდასაჭერად 110 მილიონი ლარი გამოყო

18 იანვარი, 2019 , 15:04

ევროკავშირმა საქართველოში რეფორმების მხარდასაჭერად 110 მილიონი ლარი გამოყო. ამის შესახებ საქართველოს პრემიერ-მინისტრმა მამუკა ბახტაძემ დღეს, მთავრობის სხდომის წინ გამართულ ბრიფინგზე განაცხადა. მთავრობის მეთაურმა ევროპელ

საქართველოს საგარეო საქმეთა მინისტრის მოადგილე საუდის არაბეთის სამეფოს პარლამენტის დელეგაციას შეხვდა

18 იანვარი, 2019 , 13:59

საქართველოს საგარეო საქმეთა მინისტრის მოადგილემ ალექსანდრე ხვთისიაშვილმა შეხვედრა გამართა საუდის არაბეთის სამეფოს მაჯლის ალ-შურას (პარლამენტის) დელეგაციასთან, რომელსაც ხელმძღვანელობდა სამეფოს პარლამენტის საქართველოსთან მ

სალომე ზურაბიშვილი მიხეილ ბატიაშვილს ათონელის ქუჩაზე მდებარე სასახლეში შეხვდა

18 იანვარი, 2019 , 10:59

საქართველოს პრეზიდენტი სალომე ზურაბიშვილი განათლების, მეცნიერების, კულტურისა და სპორტის მინისტრს მიხეილ ბატიაშვილს ათონელის ქუჩაზე მდებარე სასახლეში შეხვდა. ამის შესახებ „მედიანიუსს“ პრეზიდენტის პრესსამსახური