უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
კომენტარი
ბიძინა ივანიშვილი საკუთარ ქვეყანაში დაიპარება და ადამიანებს ემალება - ანა ნაცვლიშვილი
“ივანიშვილი თავადაც კარგად ხვდება, რომ ხალხთან გამოსაჩენი პირი აღარ აქვს, არც პასუხები აქვს იმ კითხვებზე, რაც მრავლად დაგროვდა,”- ასე ეხმაურება “ლელო საქართველოსთვის” ლიდერი ანა ნაცვლიშვილი ივანიშვილის ქუთაისში ვიზიტს.
გავრცელებული ინფორმაციით, ბიძინა ივანიშვილმა გუშინ ქუთაისის ტექნოლოგიური უნივერსიტეტი მოინახულა, თუმცა ჟურნალისტებთან არ გამოჩენილა.
“ლელოს” ლიდერის თქმით, ბიძინა ივანიშვილი უნივერსიტეტს კი აშენებს, მაგრამ ახალგაზრდებსაც ვერ შეხვდა: რომ ჰკითხავენ, საქართველოში სად უნდა დასაქმდნენ ან ამ, ან სხვა უნივერსიტეტებში ნასწავლი ახალგაზრდები - პასუხი არ აქვს!
“რატომ წაერთვა ქუთაისს, ისევე, როგორც მთელ საქართველოს, განვითარების პერსპექტივა, პასუხი არ აქვს; როგორ დააბრუნებს ქალაქიდან (ისევე, როგორც ქვეყნიდან) წასულ ასობით დედას მარტო დატოვებულ ასობით შვილთან და რას შესთავაზებს მათ, სამშობლოში დაბრუნებულებს, პასუხი არ აქვს.
საკუთარ ქვეყანაში რომ დაიპარები და ადამიანებს ემალები - დასასრულის დასაწყისია ეს. ფინალი იქნება ოქტომბერში!”-აცხადებს ანა ნაცვლიშვილი.