კომენტარი

ბიძინა ივანიშვილის პასუხებმა დააპატარავა და სასაცილო მდგომარეობაში დატოვა ზოგიერთი მოკლე მანძილზე მორბენალი კრიტიკოსი -არჩილ თალაკვაძე

ეს იყო გულწრფელი, პასუხისმგებლობით სავსე და სამართლიანი ადამიანის პასუხები კითხვებზე, რომელიც თვეების განმავლობაში ოპონენტების მიერ ვრცელდებოდა საზოგადოებაში, - განაცხადა საპარლამენტო უმრავლესობის ლიდერმა არჩილ თალაკვაძემ ბიძინა ივანიშვილის ინტერვიუს კომენტირებისას.

„ამ პასუხებმა დააპატარავა და სასაცილო მდგომარეობაში დატოვა ზოგიერთი მოკლე მანძილზე მორბენალი კრიტიკოსი.

ორჯერ მეტად დასაფასებელია ის, რომ ამდენი გაკეთებული საქმის შემდეგ ბიძინა ივანიშვილმა აირჩია თავმდაბალი, ქვეყნისთვის უპირობო დახმარების და სამართლიანობის დაცვის პოზიცია, მაშინ როდესაც, მისი გაკეთებული საქმეების ლენტებს დიდი სიხარულით ჭრიდნენ სხვადასხვა ადამიანები, ზოგჯერ კი ხელსაც უშლიდნენ ამ სასიკეთო პროექტებს,” - აღნიშნა არჩილ თალაკვაძემ.