კომენტარი

ბიძინა ივანიშვილმა რეალობასთან შეხება დაკარგა - თორნიკე შარაშენიძე

საერთაშორისო ურთიერთობის სპეციალისტის, თორნიკე შარაშენიძის თქმით, ,,ქართული ოცნების“ თავმჯდომარემ და ყოფილმა პრემიერმა, ბიძინა ივანიშვილმა რეალობასთან შეხება დაკარგა. შარაშენიძემ ივანიშვილის ინტერვიუ ,,რუსთავი 2“-თან შეაფასა.

"ხანდახან მე მართლა მგონია, რომ ბიძინა ივანიშვილი დარწმუნებულია, რომ ქვეყანა ყვავის და რუსთავი 2 ყველაფერს ხატავს შავ ფერებში. ეს, ალბათ, იმითაც არის გამოწვეული, რომ მას გარშემო არ დარჩა სიმართლის მთქმელი, არ დარჩა ვინც კრიტიკას გაუბედავს, ვინც განსხვავებულ აზრს შებედავს. ეს კაცი ცხოვრობს სხვა რეალობაში", — აღნიშნა შარაშენიძემ.

გუშინდელ სატელევიზიო ინტერვიუს დროს ბიძინა ივანიშვილმა არაერთ საკითხზე ისაუბრა, მათ შორის, რუსთავი 2-ის მიმართ საკუთარ დამოკიდებულებაზე. ივანიშვილმა არაერთხელ განაცხადა, რომ ტელეკომპანია სიცრუის ტირაჟირებას ეწევა.

"დღეს რომ გამოვრთოთ რუსთავი 2, ქვეყანაში აღმავლობის მეტს ვერაფერს ნახავთ. 99 პროცენტი არის სიცრუე", — აღნიშნა ივანიშვილმა.