სამართალი
“ბირჟა მაფიის” წევრები წინასწარი პატიმრობიდან შესაძლოა დღეს გათავისუფლდნენ
“ბირჟა მაფიის” წევრები წინასწარი პატიმრობიდან შესაძლოა, დღეს გათავისუფლდნენ.
გადაწყვეტილება სააპელაციო სასამართლომ უნდა მიიღოს.
გლდანის მერვე საპყრობილეში დაკავებული მუსიკოსების მოწმის სტატუსით დაკითხვა გუშინ გვიანობამდე მიმდინარეობდა. პროკურატურის წარმომადგენლები გიორგი ქებურიასა და მიხეილ მგალობლიშვილთან მას შემდეგ მივიდნენ, რაც საგამოძიებო უწყებამ იმ პოლიციელების წინააღმდეგ, ვინც ისინი დააკავა, გამოძიება დაიწყო.
ადვოკატების, გაგი მოსიაშვილის და მერაბ ჩიქოვანის განმარტებით, გიორგი ქებურიამ გაამახვილა ყურადღება მის მიმართ განხორციელებულ ფსიქოლოგიურ ზეწოლაზე.
ადვოკატების ინფორმაციითვე, საქმეში როგორც გიორგი ქებურიას, ისე მიშა მგალობლიშვილის აღიარებითი ჩვენებები დევს, თუმცა ამ ჩვენებებს მოტყუებით მოაწერინეს ხელი.
”გამოძიება აუცილებლად უნდა დაიწყოს, ვინაიდან ბატონმა გიოირგი ქებურიამ ისაუბრა იმ ძალადობის ფაქტებზე რომელიც მათ წინააღმდეგ განხორციელდა. გიორგი ქებურიას დანაშაულის აღიარებას ადგილი არ ჰქონია და დოკუმენტი არის გამომძიებლების მიერ დაწერილი. ის ფიზიკურად ვერ წაიკითხავდა ამ დოკუმენტს, რადგან არ ჰქონდა სათვალე, რომელსაც ის იყენებს”, - განაცხადა გიორგი ქებურიას უფლებადამცველმა მერაბ ჩიქოვანმა.
დაიკითხნენ თუ არა თავად სამართალდამცველები, საგამოძიებო უწყებაში ამ თემაზე არ საუბრობენ.
შსს-ს ინფორმაციით, სამართალდამცველებმა ოპერატიულ-სამძებრო და საგამოძიებო ღონისძიების შედეგად, ჯგუფ "ბირჟა მაფია"-ს წევრები 9 ივნისს დააკავეს. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.
თბილისის საქალაქო სასამართლომ "ბირჟა მაფიას" წევრებს წევრს მიშა მგალობლიშვილს (Young mic) და გიორგი ქებურიას (Kay G) აღკვეთის ღონისძიებად პატიმრობა შეუფარდა.
ნინო ექვთიმიშვილი
საკვანძო სიტყვები:
ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
23 აპრილი, 2024 , 10:37
ტრანსნაციონალური თაღლითური „ქოლ-ცენტრების“ წინააღმდეგ მიმდინარე გამოძიების ფარგლებში, დაკავებულია ორგანიზებული დანაშაულებრივი ჯგუფის ოთხი წევრი - პროკურატურა
22 აპრილი, 2024 , 12:23
მთელი ღამის განმავლობაში მიმდინარეობდა ოპერატიულ-საგამოძიებო მოქმედებები - სუს-ი
22 აპრილი, 2024 , 10:25
ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
19 აპრილი, 2024 , 17:15
დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
19 აპრილი, 2024 , 11:50
შსს-მ „ქურდულ სამყაროსთან“ კავშირში მყოფი 7 პირი დააკავა, ხოლო 5 პირს ბრალი დაუსწრებლად წარედგინა
12 აპრილი, 2024 , 11:39
