ეკონომიკა

ბიუჯეტის მილიარდზე მეტ ზრდაში ვერ მოიძებნა ვერცერთი თეთრი პენსიების გასაზრდელად - რომან გოცირიძე

ფინანსთა მინისტრის მოადგილე, გიორგი კაკაურიძე 2018 წლის მთავარ საფინანსო დოკუმენტს „ნაციონალურ მოძრაობას“ აცნობს.

როგორც „ნაციონალური მოძრაობის“ წევრი რომან გოცირიძე აცხადებს, წარმოდგენილი ბიუჯეტის პროექტი არაფრით განსხვავდება წინა წლების ბიუჯეტისგან.

„ეს ბიუჯეტი არის ტყუპისცალი წინა ბიუჯეტებისა, რომელმაც ქვეყანაში შექმნა კრიზისული ვითარება.

ბიუჯეტი იზრდება თითქმის 1 მილიარდი ლარით და როგორც ვიცით, რაღაც შემონახული აქვთ და კიდევ ერთი 100 ან 200 მილიონი დაემატება. ამ მილიარდზე მეტ ზრდაში ვერ მოიძებნა ვერცერთი თეთრი პენსიების გასაზრდელად. 2 წელიწადია, ეს ადამიანები მივიწყებულები არიან ხელისუფლების მხრიდან “-განაცხადა რომან გოცირიძემ.

ნინო ექვთიმიშვილი