უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
ეკონომიკა
ბიუჯეტის პროექტის პირვანდელ ვარიანტთან შედარებით, თავდაცვის სამინისტროს ბიუჯეტი 80 მლნ ლარით იზრდება, ხოლო შსს-სი - 500 000 ლარით
მომავალი წლის სახელმწიფო ბიუჯეტის გადამუშავებული პროექტის მიხედვით, რამდენიმე ძალოვანი უწყების დაფინანსება იზრდება.
მთავრობის მიერ პარლამენტში წარდგენილი კორექტირებული ბიუჯეტის პროექტის მიხედვით, თავდაცვის სამინისტროსთვის გამოყოფილია 870.0 მლნ ლარი. ბიუჯეტის პროექტის პირველ წარდგენასთან შედარებით, სამინისტროს ასიგნება 80 მლნ ლარით გაიზარდა.
შსს-სთვის გამოყოფილია 644.0. მლნ ლარი. ბიუჯეტის პროექტის პირვანდელ ვარიანტთან შედარებით, სამინისტროს ასიგნება 500 ათასი ლარით არის გაზრდილი. გათვალისწინებულია დაბალი რანგის პოლიციელთა ხელფასების ზრდის (საშუალოდ 250 ლარით) სრული დაფინანსება, ასევე სასაზღვრო პოლიციაში დაბალი რანგის პოლიციელთა ხელფასების ზრდა - საშუალოდ 250 ლარით.
სუს-ისთვის გათვალისწინებულია 136.0 მლნ ლარი. აქედან 6 მლნ ლარამდე გათვალისწინებულია დაბალი რანგის მოსამსახურეთა ხელფასების 250 ლარით ზრდისთვის, ასევე ოპერატიულ-ტექნიკური სააგენტოს გეოლოკაციის რეალურ დროში განსაზღვრის სისტემის შექმნის ნაწილობრივ დაფინანსება.
საგანგებო სიტუაციების მართვის სამსახურისთვის გათვალისწინებულია 87.6 მლნ ლარი, მათ შორის 5,5 მლნ ლარი გათვალისწინებულია მეხანძრეებისა და მაშველების ხელფასების ზრდისთვის.