20.11.2019 17:30
ღვაწლმოსილი ექიმი ჩვეულ რეჟიმში აგრძელებს მის პროფესიულ საქმიანობას - თბილისის ცენტრალური საავადმყოფო
20.11.2019 17:30
1 აშშ დოლარის ოფიციალური ღირებულება 2.9776 ლარი გახდა
20.11.2019 17:10
ზუგდიდში მაჟორიტარების პლაკატები თავდაყირა გააკრეს
20.11.2019 17:10
კომუნიკაციების ეროვნული კომისიის წევრის ვაკანტურ თანამდებობაზე გამოცხადებულ კონკურსში 4 პირი მონაწილეობს
20.11.2019 17:10
ნატო-ს მინისტერიალის ფარგლებში დავით ზალკალიანი ორმხრივ შეხვედრებს მართავს
20.11.2019 17:10
მზად ვარ დღესვე ჩავიდე და ჩავანაცვლო ბატონი ვაჟა - აკაკი ზოიძე
20.11.2019 17:10
ჩემი რა ბრალია, ისინი თუ დაგამხობენ თავზე, მე გამეცით პასუხი, ნუ მწამლავთ - მალხაზ მაჩალიკაშვილი
20.11.2019 17:10
ივანიშვილი იძულებული იქნება, ქვეყანა მართოს, გადაადგილდეს და ისუნთქოს სპეცრაზმის საშუალებით - გიგი უგულავა
20.11.2019 16:15
რატომ ცემეს ექიმი მაღალაშვილი
20.11.2019 16:15
ჯანდაცვის მინისტრის მიერ გატარებული პირველივე რეფორმა კრიტიკის საგანი გახდა

საზოგადოება

ბიზნესომბუდსმენის აპარატმა საფრანგეთ-საქართველოს სავაჭრო და სამრეწველო პალატასთან და საქართველო-შვეიცარიის ბიზნეს ასოციაციასთან თანამშრომლობის მემორანდუმები გააფორმა

ბიზნესომბუდსმენის აპარატმა საფრანგეთ-საქართველოს სავაჭრო და სამრეწველო პალატასთან და საქართველო-შვეიცარიის ბიზნეს ასოციაციასთან თანამშრომლობის მემორანდუმები გააფორმა.

ურთიერთთანამშრომლობის მემორნადუმების გაფორმების მიზანი მხარეებს შორის არსებული ურთიერთობების კიდევ უფრო გაღრმავება და საქართველოში აღნიშნული ასოციაციების წევრი კომპანიების ბიზნეს საქმიანობის ხელშეწყობაა.

მემორანდუმი წარმოადგენს მხარეებს შორის მჭიდრო თანამშრომლობის მექანიზმს ბიზნეს საქმიანობის პროცესში გაერთიანების წევრი კომპანიების მოთხოვნების იდენტიფიცირებისა და მათი ეფექტურად გადაჭრის მიზნით. ამასთან, მემორანდუმის მიხედვით, მხარეები საქართველოში ბიზნესის წარმოების გაუმჯობესების მიმართულებით ითანამშრომლებენ და ბიზნეს გარემოს გამოწვევებისა და მიღწევების შესახებ რეგულარულად გაცვლიან ინფორმაციას.

„დღეს გავაფორმეთ მემორანდუმები საქართველოში მოქმედ კიდევ ორ ბიზნეს გაერთიანებასთან - საფრანგეთ-საქართველოს სავაჭრო და სამრეწველო პალატასთან და საქართველო-შვეიცარიის ბიზნეს ასოციაციასთან, ამით ოფიციალური სახე მივეცით ჩვენ თანამშრომლობას. გაფორმებული მემორანდუმების ფარგლებში ჩვენ პერიოდულობით გვექნება შეხვედრები, რომლის დროსაც იდენტიფიცირდება ყველა ის აქტუალური საკითხი, რომელიც აღნიშნული გაერთიანებების წევრ კომპანიებს საქართველოში ბიზნესის წარმოების პროცესში აწუხებთ და აპარატი კომპეტენციის ფარგლებში ოპერატიულად ჩაერთვება მათ მხარდასაჭერად. მსგავსი თანამშრომლობის ფორმატები ძალიან მნიშვნელოვანია უცხოური კომპანიების საქმიანობის ხელშესაწყობად საქართველოში“- განაცხადა ირაკლი ლექვინაძემ.

მემორანდუმების ხელმოწერის ოფიციალური ცერემონიის დასრულების შემდეგ ირაკლი ლექვინაძე გერმანიის ეკონომიკური გაერთიანების, საფრანგეთ-საქართველოს სავაჭრო და სამრეწველო პალატის, საქართველო-შვეიცარიის ბიზნეს ასოციაციის და პოლონურ–ქართული სავაჭრო და სამრეწველო პალატის წევრი კომპანიების წარმომადგენლებს შეხვდა და ბიზნესომბუდსმენის ოფისის საქმიანობის შესახებ დეტალური ინფორმაცია მიაწოდა. შეხვედრა კითხვა პასუხის რეჟიმში წარიმართა და სტუმრებმა მათთვის აქტუალური საკითხების შესახებ დასვეს კითხვები.