უახლესი ამბები
- 19.03.2024 12:51„კართაგენი უნდა დაინგრეს“, „ნაციონალური მოძრაობა“ კი უნდა გასამართლდეს და გასამართლდება კიდეც - სოზარ სუბარი
- 19.03.2024 12:18ირაკლი კობახიძე UFC-ის ჩემპიონს, ილია თოფურიას შეხვდა
- 19.03.2024 12:04ირაკლი ჩიქოვანი დანიის სამეფოს ელჩსა და თავდაცვის ატაშეს შეხვდა
- 19.03.2024 10:50ოქროს კონტრაბანდის ფაქტზე ორი პირი დააკავეს
არქივი
ეკონომიკა
ბიზნესსექტორში დასაქმებულთა რაოდენობა საშუალოდ 40 ათასი ადამიანით იზრდება ყოველწლიურად, თუმცა ეს არაა საკმარისი სიღარიბის დასაძლევად - ფინანსთა მინისტრი
ფინანსთა მინისტრის, ივანე მაჭავარიანის განცხადებით, ყოველწლიურად ბიზნესსექტორში დასაქმებულთა რაოდენობა 40 000 ადამიანით იზრდება, თუმცა ეს არაა საკმარისი სიღარიბისა და უმუშევრობის პრობლემების დასაძლევად. ამის შესახებ მინისტრმა 2019 წლის ბიუჯეტის პროექტის წარდგენისას ისაუბრა.
მისივე თქმით, საქართველოში სახელმწიფო ინვესტიციები მთლიან შიდა პროდუქტთან მიმართებაში საშუალოდ 8 %-ის ფარგლებშია, ხოლო კერძო ინვესტიციები მშპ-ის 30 %-ს აღწევს.
„ბოლო წლებში ბიზნესსექტორში დასაქმებულთა რაოდენობა საშუალოდ 40 ათასი ადამიანით იზრდება ყოველწლიურად, თუმცა ეს ზრდა არ არის საკმარისი, რომ სიღარიბე დაიძლიოს და უმუშევრობის მაჩვენებელი მკვეთრად დაეცეს. სწორედ ამიტომ ვფიქრობ, აუცილებელია, ჩვენი რესურსები მივმართოთ ადამიანური კაპიტალის განვითარებაზე და მცირე და საშუალო ბიზნესის ხელშეწყობაზე“, – განაცხადა მაჭავარიანმა.
მისი თქმით, უმუშევრობა საქართველოშ ისტორიულ მინიმუმზეა, თუმცა, ეს მაჩვენებელი თვითკმაყოფილების საბაბს არ იძლევა.
„აღსანიშნავია, რომ უმუშევრობა ისტორიულ მინიმუმზეა, თუმცა ეს არ იძლევა თვითკმაყოფილების არანაირ საბაბს, მაგრამ აუცილებელია იმის დანახვაც, რომ სწორი მიმართულებით ვვითარდებით და ეს ტენდენციები ძალიან მნიშვნელოვანია“, – განაცხადა მაჭავარიანმა.