უკან

უახლესი ამბები

დღის კალენდარი

ანონსები

არქივი

ეკონომიკა

22 თებერვალი, 2017 16:25
font-size

ბიზნესთან ყოველდღიურ, 24 საათიან რეჟიმში ვაგრძელებთ კომუნიკაციას - გიორგი გახარია

„დღევანდელ შეხვედრაზე ჩვენს პარტნიორებს და კოლეგებს ძირითად მესიჯად ვაცნობეთ, რომ მზად ვართ ყოველდღიურ, 24 საათიან რეჟიმში გავაგრძელოთ მათთან ისეთივე კომუნიკაცია, როგორსაც მიჩვეულები არიან ისინიც და მიჩვეულები ვართ ჩვენც“ - ამის შესახებ გიორგი გახარიამ „რედისონში“ საქართველოს ბიზნეს ასოციაციის წევრებთან გამართული შეხვედრის დასრულების შემდეგ განაცხადა.

ეკონომიკის მინისტრის რანგში ეს ბიზნესთან გიორგი გახარიას პირველი შეხვედრა იყო. მინისტრმა კერძო სექტორის წარმომადგენლებს ის აქტივობები და ინიციატივები გააცნო, რომლებიც ეტაპობრივად განხორციელდება და პირველ რიგში, სწორედ ბიზნესის ხელშეწყობაზე იქნება ორიენტირებული.

შეხვედრაზე გაიმართა აქტიური დისკუსია, სადაც ბიზნესის წარმომადგენლებმა მინისტრს მათ წინაშე მდგარი პრობლემები გააცნეს და გადაწყვეტის გზებსა და შესაძლებლობებზე იმსჯელეს.

როგორც გიორგი გახარიამ განაცხადა, ეკონომიკის სამინისტრო უნდა გახდეს სწორედ ბიზნესზე ორიენტირებული, სერვისების მიწოდების სამინისტრო, რომელიც ეფექტურად და სწრაფად შეძლებს ბიზნესისთვის საჭირო საკითხების მოგვარებას.

„ეკონომიკის სამინისტროსთვის პრინციპულად მნიშვნელოვანია ბიზნესისა და ბიზნესგარემოს განვითარება, პრინციპულად მნიშვნელოვანია ისეთი სტრუქტურული პრობლემების მოგვარება, როგორიცაა ჩვენი სავაჭრო ბალანსი და პირდაპირი უცხოური ინვესტიციების მოზიდვა ქვეყანაში. ვთვლით, რომ ეს არის ჩვენი ძირითადი ამოცანები და მათ გადაწყვეტაში ბიზნეს ასოციაცია და კომპანიები არიან ჩვენი ძირითადი პარტნიორები. დღევანდელ შეხვედრაზე ვისაუბრეთ იმის შესახებ, თუ როგორ ვიმუშაოთ ხვალიდან, როგორი უნდა იყოს ჩვენს შორის კომუნიკაცია და როგორ მივეხმაროთ მათ მიმდინარე თუ სისტემური პრობლემების გადაწყვეტაში“ - აღნიშნა გიორგი გახარიამ.

ეკონომიკის მინისტრის განცხადებით, სწორედ ბიზნესია ის ძირითადი ინსტრუმენტი, რომელმაც ხელი უნდა შეუწყოს ეკონომიკის ზრდას და სამუშაო ადგილების შექმნას.

„ბატონ გიორგი გახარიასთან შეხვედრების საკმაოდ დიდი ტრადიცია გვაქვს, როდესაც ის გახლდათ ბიზნეს ომბუდსმენი, დღეს ასევე ძალიან წარმატებული და ნაყოფიერი შეხვედრა შედგა მასთან, როგორც ეკონომიკის მინისტრთან. ჩვენ ბიზნესისთვის ძალიან ბევრი მნიშვნელოვანი საკითხი განვიხილეთ, წამოჭრილი იყო ძალიან საინტერესო თემები როგორც მინისტრის, ასევე ბიზნესის წარმომადგენლების მხრიდან. მათ შორის შეიძლება დავასახელოთ, მაგალითად, საპენსიო რეფორმა, კაპიტალური ბაზრებთან დაკავშირებული საკითხები და ასე შემდეგ. ბევრ საკითხზე ვისაუბრეთ, ისეთზე კი, რომელიც ეკონომიკის მინისტრს და მის უწყებას პირდაპირ არ ეხება, მაგალითად, სასამართლოში ბიზნესდავებთან დაკავშირებული საკითხები, მაგრამ მიგვაჩნია, რომ ეკონომიკის მინისტრი და ეკონომიკის სამინისტრო არის სწორედ ის უწყება, რომელიც ყველაზე ახლოს არის ბიზნესთან და არის ჩვენი მთავარი პარტნიორი“ - აღნიშნა საქართველოს ბიზნეს ასოციაციის პრეზიდენტმა გიორგი ჭირაქაძემ.

მისივე განცხადებით, ბიზნესი მზადაა, რომ სამინისტროსთან ერთად აქტიურად იმუშაოს იმისთვის, რომ ქვეყანაში ეკონომიკური ზრდა იყოს უფრო მაღალი და შეიქმნას უფრო მეტი სამუშაო ადგილი. „ძალიან მნიშვნელოვანია, რომ ეკონომიკის მინისტრს ესმის ბიზნესის პრობლემები, ის არის ადამიანი, რომელთანაც შეიძლება გაგებით საუბარი და ახსნა ყველა იმ პრობლემის, რაც შეიძლება არსებობდეს. სასიხარულოა, რომ ძალიან ბევრ საკითხში არის ჩვენი ხედვების თანხვედრა ეკონომიკის მინისტრის ხედვებთან. ველოდებით, რომ ასეთი შეხვედრები მომავალშიც გაგრძელდება“ - განაცხადა ჭირაქაძემ.

ევროკომისია მზად არის დაგვეხმაროს საგზაო უსაფრთხოების დონის ამაღლებაში - გიორგი ქობულია

21 სექტემბერი, 2018 , 10:35

ბრიუსელში ვიზიტის ფარგლებში საქართველოს ეკონომიკისა და მდგრადი განვითარების მინისტრმა, გიორგი ქობულიამ ევროკომისართან ტრანსპორტის საკითხებში ვიოლეტა ბულცთან შეხვედრა გამართა, სადაც ტრანსპორტის სფეროსთან დაკავშირებული მნი

ევრორეგულაციების დანერგვა საქართველოს დიდ სარგებელს მოუტანს - ევროკომისარი ტრანსპორტის საკითხებში ვიოლეტა ბულცი

21 სექტემბერი, 2018 , 10:35

„დღევანდელი შეხვედრა მართლაც კონსტრუქციული იყო. ვისაუბრეთ ყველა მნიშვნელოვან საკითხზე და შევთანხმდით, რომ ჩვენს თანამშრომლობას მყარი საფუძველი აქვს“ - ამის შესახებ ევროკომისარმა ტრანსპორტის საკითხებში ვიოლეტა

გიორგი ქობულიამ და ვაჭრობის საკითხებში ევროკომისარმა სესილია მალმსტრომმა საქართველო-ევროკავშირს შორის ორმხრივი სავაჭრო ურთიერთობები განიხილეს

20 სექტემბერი, 2018 , 14:10

ეკონომიკისა და მდგრადი განვითარების მინისტრი გიორგი ქობულია ბრიუსელში DCFTA (ღრმა და ყოვლისმომცველი თავისუფალი ვაჭრობის შეთანხმება)-ის პირველ არაფორმალურ მინისტერიალში მონაწილეობს, რომელიც ვაჭრობის საკითხებში ევროკომისრი

1 აშშ დოლარის ოფიციალური ღირებულება 2.6179 ლარი გახდა

20 სექტემბერი, 2018 , 09:00

ეროვნული ბანკის მიერ გამოქვეყნებული მონაცემების თანახმად, 20 სექტემბერს ერთი ამერიკული დოლარის ღირებულება 2.6179 იქნება. 19 სექტემბერს ერთი დოლარის ფასი 2.6188 ლარი იყო. 1 ევროს ოფიციალური ღირებულება 3.0606 ლარი გახდა.

1 აშშ დოლარის ოფიციალური ღირებულება 2.6179 ლარი გახდა

19 სექტემბერი, 2018 , 17:50

ეროვნული ბანკის მიერ გამოქვეყნებული მონაცემების თანახმად, 20 სექტემბერს ერთი ამერიკული დოლარის ღირებულება 2.6179 იქნება. 19 სექტემბერს ერთი დოლარის ფასი 2.6188 ლარი იყო. 1 ევროს ოფიციალური ღირებულება 3.0606 ლარი გახდა.

საქართველოს ეროვნული ბანკი სავალუტო აუქციონის შედეგს აქვეყნებს

19 სექტემბერი, 2018 , 17:10

საქართველოს ეროვნული ბანკის ცნობით, 2018 წლის 19 სექტემბერს გამართულ საქართველოს ეროვნული ბანკის სავალუტო აუქციონზე სებ-მა 10 000 000 აშშ დოლარი შეისყიდა. საშუალო შეწონილმა გაცვლითმა კურსმა 2.6188 შეადგინა.

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`