უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
მსოფლიო
BMW 7 მილიარდ ევრომდე ზრდის კვლევისა და განვითარების ხარჯებს ელექტრიფიცირებული ავტომობილების გამოსაშვებად
გერმანული კომპანია BMW-მ გუშინ თავისი ყოველწლიური მოხსენება გამოაქვეყნა, რომლის მიხედვით, ის კვლევისა და განვითარების ხარჯებს 7 მილიარდ ევრომდე (8.6 მილიარდ აშშ დოლარამდე) ზრდის, ხოლო ძირითად სამუშაოებს ელექტრული და ავტონომური ტექნოლოგიების შემუშავება-დანერგვის მიმართულებით შეასრულებს. ეს შედის დიდ გეგმვაში, რომლის მიზანია 2025 წლამდე 25 ელექტრიფიცირებული ავტომობილის გამოშვება.
მიუნჰენში დაფუძნებული კომპანია, რომელიც აერთიანებს ასევე „როლს-როისსა“ და „მინისაც“, წელს შემოსავლის სახით, 10 მილიარდი ევროს გეგმავს, რაც დაახლოებით შარშანდელი მოგების ტოლია. კომპანიაში შიშობენ, რომ მოგება შეიძლება შემციდეს გარეფაქტორების გამო, მაგალითად აშშ-სთან ვაჭრობაში წარმოქმნილმა სირთულეებმადა ბრექსიტმა.
BMW ამჟამად კვლევასა და განვითარებაზე, გაყიდვებიდან მიღებული თანხის 6.5-7 %-ს ხარჯავს. არადა, ჩვეულებრივ, ეს მაჩვენებელი 5-5.5 %-ის ფარგლებში იყო.
გასული წლის შეჯამებული მონაცემებით, ბავარიული კომპანიის საოპერაციო მოგება 5.3 %-ით არის გაზრდილი, რაც მაღალი მარჟის მქონე, უგზობის მოდელების გაყიდვების მოცულობის ზრდის შედეგია. ამასთან, ბაზრის კვლევა მოწმობს, რომ მდიდრულ, მაღალფასიან ავტომობილებზე მოთხოვნა კიდევ უფრო გაიზრდება.
„საავტომობილო სეგმენტში ჩვენ გაყიდვების რეკორდულ მაჩვენებლებს ველით. ჩინეთში და შეერთებულ შტატებში მოთხოვნის ზრდის კვალობაზე, მიწოდება შემდგომშიც გაიზრდება“, - ამბობს BMW-ის ფინანსების შეფი ნიკოლას პეტერი და ხაზს უსვამს,
რომ აშშ-ის ადმინისტრაციის მიერ, ავტომობილების იმპორტზე სავაჭრო ბარიერების შექმნას მისი კომპანიის ბიზნესის დაზარალება შეუძლია.
გარდა ამისა, BMW აცხადებს, რომ დიზელის ძრავებით აღჭურვილი ავტომობილების აკრძალვებს (რასაც ევროპის არაერთი დიდი ქალაქი აპირებს) ახალი ავტომობილების მეორადი ღირებულების შემცირება შეუძლია, რაც ასევე აზარალებს ბიზნესს.