უახლესი ამბები
არქივი
ეკონომიკა
ბოლო 6 თვის განმავლობაში გაცემული მშენებლობის 4941 ნებართვიდან 46.8% თბილისზე მოდის - საქსტატი
საქართველოში 2018 წლის იანვარ-ივნისში გაცემულია მშენებლობის 4941 ნებართვა ( რაც წინა წლის შესაბამის პერიოდთან შედარებით 1,4 %-ით ნაკლებია) 2995.9 ათასი კვ.მ ფართობის შენობა-ნაგებობების მშენებლობაზე (წინა წლის შესაბამის პერიოდთან შედარებით 4,8 %-ით მეტია). გაცემული ნებართვების 72,4 % მოდის ქვეყნის 3 რეგიონზე, კერძოდ, 46.8% ქ. თბილისზე, 14.3 % – აჭარის ა.რ.-ზე, ხოლო 11.3 % – ქვემო ქართლის რეგიონზე. გაცემული ნებართვების 5.7% იმერეტზე მოდის, 5.1% - მცხეთა-მთიანეთზე, 4.8% - სამეგრელო-ზემო სვანეთზე, 4.7% - კახეთზე, 2.7% - სამცხე-ჯავახეთზე, 2.5% - შიდა ქართლზე, 1.7% - გურიაზე, ხოლო 0.4% - რაჭა-ლეჩხუმსა და ქვემო სვანეთზე.
სტატისტიკის ეროვნული სამსახურის ინფორმაციით, 2018 წლის იანვარ-ივნისში ნებართვები გაიცა მრავალფუნქციური საცხოვრებელი კომპლექსების, სასტუმროების, სავაჭრო ობიექტების, სამრეწველო საწარმოების, სასოფლო-სამეურნეო დანიშნულების ობიექტებისა და სხვა შენობა - ნაგებობების მშენებლობაზე. გაცემულ ნებართვებში შედარებით დიდი წილითაა წარმოდგენილი მრავალფუნქციური საცხოვრებელი კომპლექსები. დამთავრებული მშენებლობების ნახევარზე მეტი მოდის ქვეყნის 3 რეგიონზე, კერძოდ, 29.3 % ქ. თბილისზე, 16.3 % – კახეთის რეგიონზე, ხოლო 11% - ქვემო ქართლის რეგიონზე.
2018 წლის იანვარ-ივნისში ექსპლუატაციაში მიღებულია 928.9 ათასი კვ.მ. ფართობის 1163 ობიექტი. 2017 წლის შესაბამის პერიოდში კი ექსპლუატაციაში შევიდა 1190.1 ათასი კვ.მ. ფართობის 1334 ობიექტი.