პოლიტიკა

ბოლო მოვლენებიდან გამომდინარე, რა რაოდენობის პოლიციაც მივიჩნიეთ საჭიროდ მართლწესრიგის დასაცავად, იმ რაოდენობის პოლიციელი მივიყვანეთ გურჯაანში - ნათია მეზვრიშვილი

შს მინისტრის მოადგილის, ნათია მეზვრიშვილის განმარტებით, გურჯაანის რაიონულ სასამართლოსთან იმ რაოდენობის პოლიციელია მობილიზებული, რაც საწიროა მართლწესრიგის დასაცავად.

მისივეთქმით, შს სამინისტროს წინასწარ ვერ ეცოდინებოდა, თუ რა გადაწყვეტილებას მიიღებდა დავით კირკიტაძესთან დაკავშირებით მოსამართლე და შესაბამისად, განაჩენიდან გამომდინარე ვერ განსაზღვრავდა პოლიციელთა რაოდენობას.

„წინასწარ ვერაფრით ვერ იქნებოდა ცნობილი, რა აღკვეთის ღონისძიება იქნებოდა გამოყენებული. ოპოზიციამ დააანონსა აქციები და ასეთ დროს როგორც ვაკეთებთ, გავავრცელეთ დღესაც და გუშინაც ინფორმაცია, რომ პოლიცია დაიცავდა საზოგადოებრივ წესრიგს. თუ გავითვალისწინებთ ბოლო პერიოდში განვითარებულ მოვლენებს, რა რაოდენობის პოლიციაც მივიჩნიეთ საჭიროდ მართლწესრიგის დასაცავად, იმ რაოდენობის პოლიციელი მივიყვანეთ გურჯაანში", - განაცხადა მეზვრიშვილმა.