კონფლიქტის ზონა
ბორდერიზაცია გააჩერა სამოქალაქო საზოგადოებამ - გრიგოლ ვაშაძე ატოცში, საოკუპაციო ხაზთან ჩავიდა
გაერთიანებული ოპოზიციის „ძალა ერთობაშიას“ ერთ-ერთი ლიდერი გრიგოლ ვაშაძე გაერთიანების სხვა წარმომადგენლებთან ერთად სოფელ ატოცში იმყოფებოდა.
ვაშაძე ანტისაოკუპაციო მოძრაობის წევრებს შეხვდა და ადგილზე მყოფ სამართალდამცავებს გაესაუბრა.
„ეს არის პირველი შემთხვევა, როდესაც რუსული საოკუპაციო ჯარების ბორდერიზაციისა და ოკუპაციის ხაზის ჩვენს კონტროლირებად ტერიტორიაზე გადმოწევის მცდელობა არის გაჩერებული და გააჩერა ეს სამოქალაქო საზოგადოებამ, გააჩერა ეს დათო ქაცარავას ორგანიზაციამ და გულანთებულმა პატრიოტებმა. დეოკუპაცია, რუსულ ოკუპაციის წინააღმდეგ ბრძოლა არ არის მარტო ამ ორგანიზაციის საქმე, ჩვენი ყველას საქმეა, ეს ჩვენი ეროვნული ღირსების საკითხია და რახან რუსული მანქანა შეაჩერეს, ესე იგი ეს შესაძლებელი ყოფილა და ბრძოლას ყოველთვის აქვს აზრი.“ - განაცხადა ვაშაძემ.