რეგიონები

ბორჯომის სოფელ საკირეს ტყეში ხანძრის ლოკალიზება ამ დრომდე ვერ ხერხდება

ბორჯომის მუნიციპალიტეტში, სოფელ საკირეს ტყეში ხანძრის ლოკალიზება ამ დრომდე ვერ ხერხდება. ცეცხლი დაახლოებით 5-6 ათას კვადრატულ მეტრზეა გავრცელებული.

ცეცხლი გუშინ საღამოს გაჩნდა, მიზეზი ჯერჯერობით უცნობია.

განადგურებულია დაახლოებით ნახევარ ჰექტარამდე ტყის ფართობი. მთელი ღამის განმავლობაში მობილიზებული იყო სახანძრო სამაშველო ჯგუფები, ხანძრის ლოკალიზებას 30 მეხანძრე-მაშველი ცდილობდა.

სალიკვიდაციო სამუშაოში გვიან ღამით თბილისიდან ჩასული მეხანძრე-მაშველებიც ჩაერთნენ. ხანძარი სოფლიდან შვიდი კილომეტრის დაშორებით გაჩნდა.

საგანგებო სიტუაციების მართვის სამსახურის ინფორმაციით, ხანძრის გავრცელების საშიშროება არ არსებობს.

ნინო ექვთიმიშვილი