უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
მსოფლიო
ბრექსიტის შემდგომი თანამშრომლობის მოდელი ევროკავშირმა შეიძლება გამოიყენოს უკრაინასთან და თურქეთთან - გერმანიის საგარეო უწყების ხელმძღვანელი
გერმანიის საგარეო საქმეთა მინისტრის, ზიგმარ გაბრიელის განცხადებით, ევროკავშირმა არაწევრ ქვეყნებთან „თანამშრომლობის ალტერნატიული ფორმები“ უნდა გამოიყენოს.
მისი აზრით, ახლო მომავალში უკრაინა და თურქეთი არ გახდებიან ევროკავშირის წევრები, შესაბამისად, ევროკავშირს მათთვის თანამშრომლობის ისეთი მოდელი შეუძლია შესთავაზოს, რომელიც ჩამოყალიბდება ბრიუსელსა და დიდ ბრიტანეთს შორის ბრექსიტის შემდეგ.
„თუკი გონივრულ შეთანხმებამდე მივალთ, რომელიც დაარეგულირებს ურთიერთობებს ევროპასთან ბრექსიტის შემდეგ, ეს შეიძლება გახდეს მოდელი სხვა ქვეყნებისთვის: უკრაინისთვის და თურქეთისთვის“, -განმარტა გაბრიელმა.
ბრექსიტი არის დიდი ბრიტანეთის ევროკავშირიდან გასვლის პროცესი. აღნიშნული გადაწყვეტილება ლონდონმა 2016 წლის რეფერენდუმის შემდეგ მიიღო. დიდი ბრიტანეთი ევროპული გაერთიანებიდან გასვლის შემდეგ დიდ დამოუკიდებლობას მოიპოვებს შიდა და საგარეო საკითხების მოგვარებაში. ხანგძლივი კავშირის გაწყვეტის გამო ევროკომისია ითხოვს ბრიტანეთისგან ფინანსური კომპენსაციის გადახდას. ბრექსიტის შემდგომი თანამშრომლობის მოდელი ითვალისწინებს მოქალაქეებისა და კაპიტალის გადაადგილების, ვაჭრობისა და სხვა სახის თავისუფლებებს.
ანა მებურიშვილი