უახლესი ამბები
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
ეკონომიკა
ბუნებრივი გაზის ტრანსპორტირების ტარიფი შემცირდა
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) დღევანდელ საჯარო სხდომაზე შპს „საქართველოს გაზის ტრანსპორტირების კომპანიისათვის“ ბუნებრივი გაზის ტრანსპორტირების გეგმური ტარიფის დადგენაზე იმსჯელა.
კომისიის გადაწყვეტილებით, ბუნებრივი გაზის ტრანსპორტირების ტარიფი შემცირდა და 1.870 თეთრი/მ3-ზე შეადგინა. (დღგ-ს გარეშე). ტარიფის მოქმედების ვადა 2019 წლის 1 იანვრიდან 2019 წლის 31 დეკემბრის ჩათვლით განისაზღვრა.
2018 წელს მოქმედი ბუნებრივი გაზის ტრანსპორტირების ტარიფი კი, 1.884 თეთრს/მ3-ზე შეადგენდა.
ბუნებრივი გაზის ტრანსპორტირების ტარიფი საბოლოო სამომხმარებლო ტარიფის ერთ-ერთი შემადგენელი კომპონენტია. შპს „ყაზტრანსგაზ თბილისის“, შპს „სოკარ ჯორჯია გაზისთვის“ და სს „საქორგგაზისთვის“ 2019 წლის გეგმური ტარიფების დადგენის მიზნით, კომისია მიმდინარე თვეში იმსჯელებს.