უკან
საზოგადოება
5 ნოემბერი, 2020 21:59
საოლქო საარჩევნო კომისიების შენობებთან საპროტესტო აქციები, განსაკუთრებით კი აქციის მონაწილეთა აგრესიული ქმედებები, აფერხებს საარჩევნო ადმინისტრაციის მუშაობას - სალომე ზურაბიშვილი
საოლქო საარჩევნო კომისიების შენობებთან მიმდინარე საპროტესტო აქციები, განსაკუთრებით კი აქციის მონაწილეთა აგრესიული ქმედებები, აფერხებს საარჩევნო ადმინისტრაციის მუშაობას, რაც მშვიდ გარემოს საჭიროებს, რათა დაცული იქნას თითოეული ამომრჩევლის ხმა,- ამის შესახებ განცხადებას საქართველოს პრეზიდენტი, სალომე ზურაბიშვილი ავრცელებს.
„ყველას მოგიწოდებთ სიმშვიდისკენ და სახელმწიფო ინსტიტუტების პატივისცემისკენ. ასევე მოგიწოდებთ, მკაცრად დაიცვათ ყველა რეკომენდაცია, რაც ვირუსის გავრცელების პრევენციისათვის არის აუცილებელი.
ეს არის ყველა პოლიტიკური პარტიის, მათი ლიდერებისა და აქციის თითოეული მონაწილის პასუხისმგებლობა!“,- აღნიშნულია პრეზიდენტის განცხადებაში.