უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
კომენტარი
ჩააგდეს სარდაფში და სცადეს შეუარცხყოფის მიყენება, კაცი თავის მოკვლას აპირებდა - ზაზა ოქუაშვილი ლევან ყიფიანზე
,,ომეგა ჯგუფის" დამფუძნებელი ზაზა ოქუაშვილი დეტალურად იხსენებს, როგორ მოსთხოვა მას ყოფილმა მთავარმა პროკურორმა ოთარ ფარცხალაძემ ბიძინა ივანიშვილის სახელით ბიზნესის ლობირებისთვის 4 მილიონის გადახდა.
როგორც ოქუაშვილმა ,,კვირის აქცენტებში" ლონდონიდან ჩართვისასა განაცხადა, მან ფარცხალაძის მოთხოვნილი თანხის შესახებ სპორტის ყოფილ მინისტრს, ლევან ყიფიანს შეატყობინა, რომელიც თავის მხრივ ყოფილ პრემიერ გიორგი კვირიკაშვილთან მივიდა და ეს ინფორმაცია მიაწოდა, რის შემდეგაც თავად კვირიკაშვილი შეხვდა ივანიშვილს და მას უთხრა, რომ ფარცხალაძე ზაზა ოქუაშვილისგან 4 მილიონს ითხოვდა.
ზაზა ოქუაშვილი ამბობს, რომ ივანიშვილი ლევან ყიფიანის საქციელმა გააღიზიანა და მისი დასჯა ყოფილ მთავარ პროკურორ, ოთარ ფარცხალაძეს მოსთხოვა.
„იმ შემთხვევაში ივანიშვილი იყო უკმაყოფილო, როგორც ლევანმა თქვა, გადასცა ეს ფარცხალაძეს და ფარცხალაძემ დასაჯა ლევანი ზედმეტი სიარულისთვის და არასწორი მისამართისთვის. ჩააგდეს სარდაფში და დანარჩენი ლევანს ჰკითხოთ სჯობს. ჩვენ როგორც ვიცით, ჩააგდეს სარდაფში და სცადეს შეუარცხყოფის მიყენება, კაცი თავის მოკვლას აპირებდა. იმ სახლის სარდაფში ჩემი ხალხი თვალყურს ადევნებდა, იმიტომ რომ ლევანი რომ წავიდა იცოდნენ და როცა დაიკარგა ლევანი იმ ღამეს ყველა განვიცდიდით. მერე იყო უფრო მეტი დაშინება და იგივე ჩვენი დირექტორების, რომ ამ სარდაფის ილეთები არ გაგრძელებულიყო,“-ამბობს ოქუაშვილი.
მისი თქმით, მომხდარის შესახებ ლევან ყიფიანმა თავად უამბო. ოქუაშვილი ამბობს, რომ ამის შემდეგ ივანიშვილი მიხვდა, რომ ბიზნესმენი ფულს დაშინების მიუხედავად არ გადაიხდიდა და ამიტომ ოთხი მილიონი თავად მოსთხოვა.
„პირველი ხაზი ივანიშვილთან არის უჩა, ჩხარტიშვილი, გახარია - იქ იციან მეტი... ლევანი იყო მეორე ხაზზე, კვირიკაშვილი მესამეზე იყო ალბათ. დამატებით, მათ ვერ შეძლეს ჩემი და ჩემი ხალხის დაშინება, რომ ის ოთხი მილიონი მიმეტანა და რადგან ვერ შეძლეს და იყვნენ იძულებული, რომ ივანიშვილი ჩაერიათ და მას პირადად მოეთხოვა. ივანიშვილი იძულებული გახდა თვითონ ეთქვა, ჯერ ვერ მივხვდი მაჩვენებდა ასე ოთხ თითს, მერე იკადრა და გამოთქვა, რომ ოთხი მილიონი უნდა მისულიყო ბიჭებთან, ბიჭები თვითონ იყო რეალურად,“-ამბობს ოქუაშვილი.
მისივე ინფორმაციით, შეხვედრას, სადაც მას ყოფილმა პრემიერმა 4 მილიონი მოსთხოვა, გიორგი გახარიაც ესწრებოდა.
ოქუაშვილის თქმით ამ პერიოდში, გიორგი გახარია იყო ბიზნესომბუდსმენი და ის კარგად იყო ჩახედული შიდა საქმეებში.
„ივანიშვილმა 4 მილიონი, რომ მთხოვა, ესწრებოდნენ ივანიშვილი, გახარია, ლევანი და მე ვიყავი იქ. გახარია გახლდათ ომბუდსმენი. ომბუდსმენი კარგად აგროვებდა პრობლემებს,“-განაცხადა ზაზა ოქუაშვილმა.