უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
კომენტარი
ჩაერთვება თუ არა პრეზიდენტი კონსტიტუციის საერთო საყოველთაო-სახალხო განხილვებში, ტექნიკური და საორგანიზაციო საკითხების დადგენის შემდეგ გაირკვევა
ჩაერთვება თუ არა საქართველოს პრეზიდენტი კონსტიტუციის საერთო საყოველთაო-სახალხო განხილვებში მას შემდეგ გახდება ცნობილი, რაც პრეზიდენტის ადმინისტრაცია საკონსტიტუციო კომისიის საორგანიზაციო ჯგუფთან პრეზიდენტის ჩართულობის შინაარსობრივ, ტექნიკურ და საორგანიზაციო საკითხებს დაადგენს.
ინფორმაცია ამის შესახებ ჟურნალისტებს პრეზიდენტის ადმინისტრაციის უფროსმა, გიორგი აბაშიშვილმა მიაწოდა.
მისი თქმით, შესაბამისი პროცედურების დადგენა ამ წუთებში მიმდინარეობს.
,,დღეს საკონსტიტუციო კომისიის წევრების მხრიდან მივიღეთ თანხმობა საქართველოს პრეზიდენტის გუშინდელ შეთავაზებაზე, რომ პრეზიდენტი ჩართულიყო კონსტიტუციის საყოველთაო-სახალხო განხილვის პროცესში. ჩვენ ყოველთვის დიდ მნიშვნელობას ვანიჭებდით საკონსტიტუციო ცვლილებების განხილვას საზოგადოებასთან ერთად. სწორედ ამიტომ მე დღეს საქართველოს პრეზიდენტმა დამავალა საკონსტიტუციო კომისიის საორგანიზაციო ჯგუფის გადაწყვეტილებების მიმღებ პირებთან შეხვედრა, პრეზიდენტის ჩართულობის შინაარსობრივ, ტექნიკურ და საორგანიზაციო საკითხებზე სასაუბროდ“, - განაცხადა გიორგი აბაშიშვილმა.
შეგახსენებთ, რომ დღეს საპარლამენტო უმრავლესობამ საქართველოს პრეზიდენტს საკონსტიტუციო ცვლილებების საერთო-სახალხო განხილვაში ჩართვა შესთავაზა.
ნინო ექვთიმიშვილი