უკან

უახლესი ამბები

დღის კალენდარი

ანონსები

არქივი

ეკონომიკა

18 აპრილი, 2018 17:05
font-size

ჭარბვალიანობის პრობლემის აღმოსაფხვრელად მთავრობის ეკონომიკური გუნდი, ეროვნულ ბანკთან ერთად ახალ დოკუმენტზე მუშაობს - მამუკა ბახტაძე

ჭარბვალიანობის პრობლემის აღმოსაფხვრელად მთავრობის ეკონომიკური გუნდი, ეროვნულ ბანკთან ერთად ახალ დოკუმენტზე მუშაობს, რომელიც ძალაში მიმდინარე წლის მაისში შევა, – განაცხადა ფინანსთა მინისტრმა, მამუკა ბახტაძემ ფეისბუქ-ლაივ ჩართვისას.

მისი თქმით, საზოგადოებისა და მოსახლეობისთვის ჭარბვალიანობა ძალიან სერიოზული და მტკივნეული პრობლემაა, გადაზრდილია ისეთ მასშტაბში, რომლის აღმოფხვრას სჭირდება სისტემური მიდგომა და ერთობლივი ძალისხმევა.

მინისტრმა განმარტა, რომ ჭარბვალიანობა არის მდგომარეობა, როდესაც მოქალაქეს სესხის მომსახურებაზე საკუთარი განკარგვადი შემოსავლის არაორდინალურად მაღალი ნაწილის გადახდა უწევს.

როგორც მამუკა ბახტაძემ განაცხადა, არასამართლიანი მიდგომის კლასიკური მაგალითია ის, რა მიზეზითაც ჭარბვალიანობა წარმოიქმნა. ხდებოდა დიდი ენერგიის ფოკუსირება იმაში, რომ მოსახლეობას მიეღო სესხები შემოსავლის დოკუმენტის გარეშე, რაც ერთგვარ მოდად და შემდეგ ტრენდად იქცა.

„ჭარბვალიანობა დაგროვდა საზოგადოებაში იმ მარტივი მიზეზის გამო, რომ შემოსავლის დადასტურებას არავინ ითხოვდა წლების განმავლობაში. ეს არის მიუღებელი პრაქტიკა, მიუღებელი პრაქტიკა ევროპისთვის, საითკენაც ჩვენ მივისწრაფვით და ამ პრობლემას სჭირდება კონკრეტული გადაჭრის გზები“, – განაცხადა მინისტრმა.

მისი თქმით, პრობლემის აღმოსაფხვრელად ეკონომიკური გუნდი ეროვნულ ბანკთან ერთად ძალიან მნიშვნელოვან დოკუმენტზე მუშაობს, რომელშიც გაწერილი იქნება რეგულაციები და კონკრეტული ზღვარი, თუ განკარგვადი შემოსავლის რა ნაწილს შეიძლება იხდიდეს მოქალაქე ვალდებულებების დასაფარად.

„ეკონომიკური გუნდი ეროვნულ ბანკთან ერთად ძალიან მნიშვნელოვან დოკუმენტზე მუშაობს. მე გავაკეთებ ყველაფერს იმისთვის და იმედს გამოვთქვამ, რომ მაისში ეს დოკუმენტი შევა ძალაში, რომელსაც ჰქვია პასუხისმგებლიანი დაფინანსების პოლიტიკის შემოღება. ეს აპრობირებულია ყველა წამყვან ქვეყანაში და ეკონომიკაში. დოკუმენტში დაფიქსირებული იქნება სესხის მომსახურების კოეფიციენტები. არ შეიძლება ადამიანი თავისი განკარგვადიშემოსავლიდან იხდიდეს იმ რაოდენობის თანხებს, რაც ხშირ შემთხვევაში, ჩვენს მოსახლეობაში არის დაფიქსირებული. სწრაფი და ონლაინ-სესხების შემთხვევაში, ეს პრობლემა კიდევ უფრო რთული და მტკივნეულია“, – განაცხადა მამუკა ბახტაძემ.

ფინანსთა მინისტრის თქმით, გარდა ამისა, დოკუმენტში დაფიქსირებული იქნება პროცედურები, რომლითაც არათუ შემცირდება ჭარბვალიანობა, არამედ სამომავლოდ მისი პრევენციაც მოხდება.

„ახალი რეგულაცია მნიშვნელოვანწილად გააკეთებს პრევენციას ჭარბვალიანობისპრობლემაზე, იქ ჩადებული ფილტრები საკმარისი იქნება იმისთვის, რომ ჩვენ საშუალო ვადაში დავიწყოთ და კონკრეტულად ეკონომიკაში ვიხილოთ ნაკლები ჭარბვალიანობის დონე“, – განაცხადა მინისტრმა და აღნიშნა, რომ თუ საზოგადოებასთან და საერთაშორისო ფინანსურ ინსტიტუტებთან კონსულტაციის შედეგად აღმოჩნდა, რომ პრობლემის აღმოსაფხვრელად ეს საკმარისი არ იქნება, რეგულაციები გამკაცრდება.

მისი თქმით, პირველადი დოკუმენტი საკმაოდ გამართულია, გაწერილია შემოსავლის რა პროცენტი უნდა მიდიოდეს კრედიტების პროცენტებისა და ძირი თანხის დაფარვაზე. ამასთან, მინისტრის განცხადებით, დაცულია ჯანსაღი ბალანსი ბიზნესის განვითარებასა და მოქალაქის ინტერესის დაცვასთან დაკავშირებით, რომ აღარ იყოს ისეთი შემთხვევები, როცა ადამიანი, თავისი შემოსავლის დიდ ნაწილს იხდის სესხის მომსახურებაზე.

„ჭარბვალიანობის თემა სერიოზული პრობლემაა ჩვენი საზოგადოებისთვის, ჩვენ გვჭირდება კონკრეტული დოკუმენტი, რეგულაცია, ნაბიჯთა ერთობლიობა, რომელიც საშუალებას მოგვცემს ჭარბვალიანობა შევამციროთ და მეორეს მხირვ, მოხდეს პრევენცია, რომ ეს პრობლემა მომავალში აღარ დადგეს“, – განაცხადა მამუკა ბახტაძემ.

საკვანძო სიტყვები:

1 აშშ დოლარის ოფიციალური ღირებულება 2.8299 ლარი გახდა

21 თებერვალი, 2020 , 17:50

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8299 ლარი შეადგინა. კურსი, რომელიც დღეს მოქმედებდა, 2.8265 ლარი იყო. შესაბამისად, დოლარის ცვლილებამ ეროვნულ

გალტ ენდ თაგარტი Global Finance -მა საქართველოში საუკეთესო საინვესტიციო ბანკად აღიარა

21 თებერვალი, 2020 , 14:30

გალტ & თაგარტმა Global Finance-ის ჯილდოს „საუკეთესო საინვესტიციო ბანკი საქართველოში 2020 წელს“ მიღების შესახებ განაცხადა. აღნიშნული ჯილდოს მფლობელი გალტ & თაგარტი ზედიზედ მეექვსედ გახდა. „Globa

,,საქართველოს აეროპორტების გაერთიანება“ თურქეთში ევროპის საავიაციო ფორუმში მონაწილეობს

21 თებერვალი, 2020 , 14:30

თურქეთის საკურორტო ქალაქ ანტალიაში ევროპის ყოველწლიური საავიაციო ფორუმი CONNECT 2020 მიმდინარეობს. რიგით მე-17 ფორუმში 50 ქვეყნის 65 ავიაკომპანიისა და 260 აეროპორტის 650 ზე მეტი წარმომადგენელი მონაწილეობს. საქართველოს ფო

საქართველოს ბანკის მხარდაჭერით საქართველოში უმსხვილესი ბიზნეს აქსელერატორი 500 Startups შემოდის

21 თებერვალი, 2020 , 12:10

საქართველოს ბანკის მხარდაჭერით, მსოფლიო ბაზარზე ტოპ აქსელერატორი 500 Startups საქართველოში შემოდის. შესაბამისი სამმხრივი ხელშეკრულება საქართველოს ინოვაციების და ტექნოლოგიების სააგენტოს, 500 Startups-სა და საქართველოს ბან

1 აშშ დოლარის ოფიციალური ღირებულება 2.8265 ლარი გახდა

20 თებერვალი, 2020 , 17:44

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8265 ლარი შეადგინა. კურსი, რომელიც დღეს მოქმედებდა, 2.8422 ლარი იყო. შესაბამისად, დოლარის ცვლილებამ ეროვნულ

შემოსავლების სამსახურის უფროსი ლევან კაკავა საქართველოს ბიზნეს ასოციაციის წარმომადგენლებს შეხვდა

20 თებერვალი, 2020 , 17:25

ფინანსთა სამინისტროს შემოსავლების სამსახურის უფროსმა ლევან კაკავამ საქართველოს ბიზნეს ასოციაციის (BAG) წარმომადგენლებთან პირველი სამუშაო შეხვედრა გამართა. შეხვედრაზე შემოსავლების სამსახურის ხელმძღვანელმა უწყებაში არსებულ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`