უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
ეკონომიკა
ჭარბვალიანობის პრობლემის მოსაგვარებლად მთავრობა ახალ ინიციატივებს მოამზადებს
ჭარბვალიანობის პრობლემის მოსაგვარებლად ახალი რეგულაციების ამოქმედება ძალიან მნიშვნელოვანი ნაბიჯებია, რომელსაც აუცილებლად მოჰყვება სხვა ნაბიჯებიც.
როგორც პრემიერ-მინისტრმა, მამუკა ბახტაძემ ჭარბვალიანობასთან დაკავშირებით სექტემბერში ახალი რეგულაციების ამოქმედების შესახებ საუბრისას აღნიშნა, უპასუხისმგებლო დაკრედიტებამ ძალიან დიდი ზიანი მოუტანა საქართველოს ეკონომიკას და მოსახლეობას.
„ეს გახლავთ ძალიან მნიშვნელოვანი და პრინციპული ნაბიჯი, რომ ჩვენ დავამკვიდროთ სამართლიანი ეკონომიკური წესები. საზოგადოებამ იცის ჩემი განწყობა ამ საკითხის მიმართ, რომ უპასუხისმგებლო დაკრედიტებამ ძალიან დიდი ზიანი მოუტანა ჩვენს მოსახლეობას და ეკონომიკას. ჩვენ მივიღეთ ჭარბვალიანობა, როგორც პრინციპული პრობლემა, რომელიც მომავალში შეიძლება, სისტემურ პრობლემად გადაიქცეს. აქედან გამომდინარე, ეს არის ძალიან მნიშვნელოვანი ნაბიჯები, რომელსაც აუცილებლად მოჰყვება სხვა ნაბიჯებიც“, – განაცხადა პრემიერ-მინისტრმა.
მისი თქმით, ეროვნულ ბანკთან ერთად მთავრობამ შეიმუშავა და ძალაში შევიდა პასუხისმგებლიანი დაკრედიტების სისტემა, რომელიც პრემიერის განცხადებით, მნიშვნელოვნად გამოასწორებს ამ სექტორში დამკვიდრებულ მავნე პრაქტიკას.
„რა თქმა უნდა, ეს არ არის საკმარისი და ჩვენ ახალ ინიციატივებს საერთაშორისო სავალუტო ფონდთან შეთანხმებით აუცილებლად შევიმუშავებთ“, – აღნიშნა მამუკა ბახტაძემ.