უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
ჩატაევი არ იყო ისეთი პირი, რომ საქართველოსთვის ცუდი გაეკეთებინა - უმარ იდიგოვი
„კავკასიის ხალხთა ინტეგრაციის ფონდის“ პრეზიდენტის, უმარ იდიგოვის განცხადებით, ისანში ჩატარებული სპეცოპერაციის დროს ერთ-ერთი ლიკვიდირებული პირი აჰმედ ჩატაევია. მას ჰქონდა ინფორმაცია, რომ ჩატაევი საქართველოში დაბრუნებას აპირებდა.
„დაახლოებით ორი თვის წინ მე დამიკავშირდნენ ჩატაევის ახლობლები და მითხრეს, რომ საქართველოში ჩამოსვლა სურდა, მაგრამ მე ეს აღვიქვი, როგორც ხუმრობა. ვუპასუხე, რომ ეს შეუძლებელია, რადგან ჩატაევი ინტერპოლით იძებნება. საქართველოში თუ ჩამოვიდოდა, ეს საქართველოსთვის ცუდი იქნებოდა, რადგან საქართველო ფაქტობრივად ბეწვზე ჰკიდია. ჩვენ ძალიან ბევრი მტერი გვყავს, რომლებიც ელოდებიან მცირე პროვოკაციას, რომ აქ რამე მოხდეს. მე ვიცი რუსული პოლიტიკა, როგორ ელოდება, რომ რაღაც მოხდეს საქართველოში“, – თქვა იდიგოვმა გადაცემა „360 გრადუსში“.
იდიგოვის მტკიცებით, ჩატაევი საქართველოს ცუდს არ გაუკეთებდა.
„ახმედ ჩატაევი საქართველოსთვის არ იყო ისეთი ადამიანი, რომ ამ ქვეყნისთვის ცუდი გაეკეთებინა. ალბათ ჩამოვიდა საქართველოში და იმედი ჰქონდა, რომ ნორმალური ცხოვრება ექნებოდა“, - აღნიშნა იდიგოვმა.
„კავკასიის ხალხთა ინტეგრაციის ფონდის“ პრეზიდენტისთვის საეჭვოა, რომ სამართალდამცავებს მოლაპარაკებები ეწარმოებინა ლიკვიდირებულ პირებთან. იდიგოვის მტკიცებით, ისინი შეთანხმებას მიაღწევდნენ.
„არ არსებობს, რომ მე ვერ ვიპოვო საერთო ენა ჩეჩნებთან. ეს აუცილებლად შესაძლებელი იქნებოდა და მათი გათავისუფლებაც საშუალება იქნებოდა, არ მომხდარიყო ეს ტრაგედია. ისინი არ აპირებდნენ არაფერი ცუდის გაკეთებას საქართველოში. ამაში დარწმუნებული ვარ. ხშირად ვსაუბრობდი ამაზე. ცხრასართულიან კორპუსში ბევრი მშვიდობიანი მოსახლე ცხოვრობს. მათ შეეძლოთ, მშვიდობიანი მოსახლეობა მძევლებად აეყვანათ და ულტიმატუმი წამოეყენებინათ. ეს არ მომხდარა. აქედან შეგვიძლია გამოვიტანოთ დასკვნა, რომ ისინი არ იყვნენ ტერორისტები. მე არ მგონია ისინი ისეთი მოუმზადებლები ყოფილიყვნენ, რომ ეს არ შეეძლოთ. შეცდომა იყო ის, რომ ჩვენმა სამართალდამცველმა ორგანოებმა არ მისცეს საშუალება ადამიანებს, მოლაპარაკება ყოფილიყო ამ ხალხთან. ეს რომ ყოფილიყო, შეიძლებოდა მათთან მოლაპარაკება. არ ვიცი, რატომ არ გააკეთეს ეს“, -თქვა იდიგოვმა.
მისი ინფორმაციით, ლიკვიდირებულთა ცხედრების გადმოცემა არ მოხდება.
„მთავრობასთან გვქონდა საუბარი, რომ არანაირი მოთხოვნა ცხედრების გადაცემაზე არ იქნება. გამოძიება აჩვენებს, ვინ ვინ არის. დაველოდოთ გამოძიებას და მხოლოდ ეს შემიძლია გითხრათ. გარდაცვლილთა ცხედრები ვის რაღაში სჭირდება“, -თქვა იდიგოვმა.
„კავკასიის ხალხთა ინტეგრაციის ფონდის“ ხელმძღვანელისთვის უცნობია, ვინ იყო კიდევ 2 ლიკვიდირებული პირი.
ისანში ჩატარებული სპეცოპერაციის შედეგად დაკავებულია ერთი პირი, ხოლო 3 ლიკვიდირებულია.
ანა მებურიშვილი