უახლესი ამბები
- 19.03.2024 12:51„კართაგენი უნდა დაინგრეს“, „ნაციონალური მოძრაობა“ კი უნდა გასამართლდეს და გასამართლდება კიდეც - სოზარ სუბარი
- 19.03.2024 12:18ირაკლი კობახიძე UFC-ის ჩემპიონს, ილია თოფურიას შეხვდა
- 19.03.2024 12:04ირაკლი ჩიქოვანი დანიის სამეფოს ელჩსა და თავდაცვის ატაშეს შეხვდა
- 19.03.2024 10:50ოქროს კონტრაბანდის ფაქტზე ორი პირი დააკავეს
არქივი
საზოგადოება
ჭავჭავაძის ცენტრისა და მისი პირველი პროექტის პრეზენტაცია გაიმართა
19 ნოემბერს, სასტუმრო თბილისი რუმსში, ჭავჭავაძის ცენტრისა და მისი პირველი პროექტის პრეზენტაცია გაიმართა.
ჭავჭავაძის ცენტრი ევროპული პოლიტიკური ფონდების ანალოგიით დაფუძნებული პირველი სამოქალაქო ორგანიზაციაა საქართველოში. ცენტრის მთავარ იდეას ქართული საზოგადოების ფუნდამენტური ტრანსფორმაცია წარმოადგენს, მოქალაქეობრივი განათლების, კრიტიკული აზროვნების გავრცელებისა და მოქალაქეთა ინდივიდუალური პასუხისმგებლობის ზრდის ხელშეწყობით. ამ ხედვის არსებითი შემადგენელი ნაწილია პოლიტიკური პროცესის რაციონალიზაცია და მათი წარმართვა პრინციპით „ქვემოდან ზემოთ“, როდესაც დღის წესრიგს ადგენს მოქალაქე და არა ხელისუფალი.
ჭავჭავაძის ცენტრის მიზანია, ასევე, ადგილობრივი და საერთაშორისო პროექტების განხორციელებით, ხელი შეუწყოს საქართველოს პოლიტიკურ სივრცეში მემარჯვენე-ცენტრისტული იდეების გავრცელებას.
აქვე გაიმართა ჭავჭავაძის ცენტრის მხარდაჭერით გამოცემული ორენოვანი (ქართულ-ინგლისური) კრებულის პრეზენტაცია, სახელწოდებით „ქართული თუ რუსული ოცნება? მხოლოდ ფაქტები“, რომელშიც მხოლოდ დოკუმენტური მასალაა თავმოყრილი: „ოცნების“ ლიდერთა პრორუსული რიტორიკა, 2008 წლის ომის დაწყება, პრორუსული ძალების ხელშეწყობა, ხელისუფლების დამოკიდებულება, ერთი მხრივ, რუსი ჯაშუშების, ხოლო მეორე მხრივ, ქართველი სპეცრაზმელებისა და დაზვერვის ოფიცრების მიმართ. კრებული არ არის ამომწურავი, თუმცა საკმარის მასალას შეიცავს იმისთვის, რომ უკეთ დავინახოთ 2012 წლის შემდეგ წარმოებული რეალური პოლიტიკის კონტურები და დავსვათ ლოგიკური კითხვა - მართლაც ქართულია კი „ოცნება“?
ჭავჭავაძის ცენტრი მისმა ერთ-ერთმა დამფუძნებელმა, ნინო კალანდაძემ, წარადგინა. კრებული კი დამსწრე საზოგადოებას პროექტის ავტორმა, ზაზა ბიბილაშვილმა, გააცნო.
პრეზენტაციას ესწრებოდნენ მედიის, სამოქალაქო სექტორისა და აკადემიური სფეროს წარმომადგენლები, ასევე - საზოგადოების სხვა წარმომადგენლები.