მსოფლიო
ჩეჩნეთში არატრადიციული სექსუალური ორიენტაციის ნიშნით მოკლულია 3, დაკავებულია 100-ზე მეტი ადამიანი - „ნოვაია გაზეტა“
როგორც რუსული პორტალი „ნოვაია გაზეტა“ წერს თავის სტატიაში „ღირსების მკვლელობა“, ჩეჩნეთში ერთი კვირის განმავლობაში 100-ზე მეტი მამაკაცი დააკავეს მათი სავარაუდო არატრადიციული სექსუალური ორიენტაციის გამო. გახდა ცნობილი 3 დაკავებულის მკვლელობის შესახებ. ინფორმაციას ადასტურებენ როგორც ადგილობრივი სამართალდამცავი ორგანოები, ასევე ჩეჩნეთის ლგბტ-საზოგადოებაც.
დაკავებულებს შორის არიან როგორც მუსლიმური ორგანიზაციის წარმომადგენლები, ასევე ორი ჩეჩენი ტელეწამყვანი.
არატრადიციული სექსუალური ორიენტაციის მოტივით ხალხის დაკავება მას შემდეგ გახდა აქტუალური, რაც 2017 წლის მარტის დასწყისში რუსმა ლგბტ-აქტივისტებმა GayRussia.ru-ის პროექტის ფარგლებში შეიტანეს თხოვნა, რომ ჩრდილოკავკასიური ფედერალური ოლქის 4 ქალაქში გეი-აღლუმი ჩაატარონ. ამბავი მედიით გავრცელდა, რაც ჩრდილოეთ კავკასიაში მასობრივი საპროტესტო აქციები გამოიწვია. სოციალურ ქსელში კი გავრცელდა ვიდეორგოლები, სადაც მოუწოდებნდნენ სექსუალური უმცირესობების წარმომადგენელთა მკვლელობისაკენ.
„ნოვაია გაზეტას“ ინფორმაციით, ამ მოვლენებით დაიწყო ჩეჩნეთში „პროფილაქტიკური წმენდები“, რაც მკვლელობებამდე მოიყვანა.
გარდა ამისა, „ნოვაია გაზეტას“ ინფორმაციით, სხვადასხვა რუსული ლგბტ-ორგანიზაციები ( პროექტ GayRussia.ru-ის გარდა) ცხელი ხაზი შექმნეს, სადაც იღებენ ცნობებს ადამიანების დევნის ფაქტებზე და მზად არიან ხალხის ევაკუაციისთვის.
„ნოვაია გაზეტას“ განცხადებით, მედიასაშუალება მიმართავს რუსეთის საგამოძიებო კომიტეტს, რუსეთის გენერალურ პროკურატურასა და პრეზიდენტის ადმინისტრაციას და მიაწოდებს მოკლულების შესახებ მონაცემებს, რათა აღიძრას სისხლის სამართლის საქმე, რათა ექსჰუმაცია ჩაუტარდეთ მოკლულთა სიკვდილის მიზეზების დასადგენად.
ანა მებურიშვილი