უკან

უახლესი ამბები

დღის კალენდარი

ანონსები

არქივი

მსოფლიო

30 აპრილი, 2018 16:30
font-size

ჩემი პრემიერ-მინისტრად არჩევის შემთხვევაში ქვეყანაში სრული კანონიერება იქნება დამყარებული - ნიკოლ პაშინიანი

„ამჟამად ჩვენი ამოცანა სოლიდარობის, ნორმალური სამუშაო ატმოსფეროს შექმნაა და ჩვენ ყველა საკითხს ამ თვალსაზრისით მივუდგებით“, -ამის შესახებ ჟურნალისტებს სომხეთის საპარლამენტო ოპოზიციური ფრაქცია „ელქის“ პრემიერობის კანდიდატმა, ნიკოლ პაშინიანმა განუცხადა. ქვეყანაში მიმდინარე საპროტესტო აქციების ლიდერის თქმით, მისი არჩევის შემთხვევაში ქვეყნაში „სრული კანონიერება“ იქნება დამყარებული

„გარანტიას ვაძლევ, რომ სომხეთის რესპუბლიკის პრემიერ-მინისტრად არჩევის შემთხვევაში სრული კანონიერება იქნება დამყარებული“, -თქვა პაშინიანმა და აღნიშნა, რომ მნიშვნელოვანია ხელისუფლების შტოების რეალური განცალკევების უზრუნველყოფა.

„არ შეიძლება, ერთი ადამიანი იყოს ქვეყნის პრემიერ-მინისტრი, მოსამართლე და პროკურორი. უფრო მეტიც, როცა ასეა საქმე, აქედან იწყება პრობლემები“, - თქვა პაშინიანმა.

რაც შეეხება მთიანი ყარაბაღის საკითხს, პაშინიანმა განაცხადა, რომ მხარს უჭერს მთიანი ყარაბაღის რესპუბლიკის დე-ფაქტო ხელისუფლებას. პრემიერობის ოპოზიციონერი კანდიდატის თქმით, მისი არჩევის შემთხვევაში ის გაეცნობა უსაფრთხოების სფეროში არსებულ სიტუაციას.

მან დაამატა, რომ „აზერბაიჯანის პოზიცია არაკონსტრუქტიული და აგრესიულია“ და აღნიშნა, რომ იმ შემთხვევაში, როცა ოფიციალური ბაქო ერევნის დაპყრობაზე საუბრობს, სომხეთის მიზანია ჯარისა და სამხედრო სულისკვეთების გაძლიერება ქვეყანაში. პაშინიანის თქმით, ყარაბაღის საკითხზე მომუშავე ეუთოს „მინსკის ჯგუფმა“ უნდა უზრუნველყოს მოლაპარაკებათა გაგრძელება, რათა აზერბაიჯანმა შეწყვიტოს აგრესიული რიტორიკა და დიალოგს დაუბრუნდეს.

კითხვაზე, თქვა თუ არა მისმა გუნდმა უარი სომხეთის ევრაზიული ეკონომიკური კავშირიდან გასვლის საკითხის წამოწევაზე, პაშინიანმა უპასუხა, რომ „როცა ოპოზიციის როლში გამოდიხართ და ოპოზიციას არ აქვს შესაძლებლობა, განიხილოს ეს საკითხი აღმასრულებელი ხელისუფლების დონეზე, მსგავსი საკითხის წამოწევა არის ერთ-ერთი საშუალება არსებულ პრობლემათა გადაჭრის გზების განსახილველად. როცა ხელისუფლებაში ხართ, წარმოადგენთ ხელისუფლებას, გაქვთ საკუთარი პრობლემების დოკუმენტირების შესაძლებლობა, დადიხართ და მსჯელობთ პარტნიორ ქვეყნებთან და მოთმინებით აგვარებთ ყველა საკითხს დიალოგის ატმოსფეროში. და დარწმუნებული ვარ, ჩვენი მოლაპარაკებების შემთხვევაში მივიღებთ დადებით, პოზიტიურ შედეგებს“.

ფრაქცია „ელქმა“ პაშინიანი თავის კანდიდატად ოფიციალურად დღეს წარადგინა. ასევე გახდა ცნობილი, რომ ოპოზიციონერ კანდიდატს ერთხმად მხარს დაუჭერს „ცარუკიანის“ ბლოკი, რომელიც ადგილობრივ პარლამენტში 31 დეპუტატითაა წარდგენილი. თავად ფრაქცია „ელქს“ 9 მანდატი აქვს. სომხეთის ეროვნულ კრებაში სულ 105 დეპუტატია.

ცნობისთვის, ხვალ სომხეთის პარლამენტმა საგანგებო სხდომაზე უნდა აირჩიოს ახალი პრემიერ-მინისტრი.

პოლიტიკურ ძალებს პრემიერობის კანდიდატების წარდგენა დღის ბოლომდე შეუძლიათ.

23 აპრილს ქვეყნის ექს-პრეზიდენტმა, სერჟ სარგსიანმა პრემიერის თანამდებობა დატოვა საპროტესტო აქციების ფონზე. საპროტესტო გამოსვლები ქვეყანაში 13 აპრილს დაიწყო.

საქართველოს წინააღმდეგ რუსული აგრესიიდან მე-12 წლისთავთან დაკავშირებით ევროპარლამენტარები ერთობლივ გაცხადებას ავრცელებენ

7 აგვისტო, 2020 , 15:55

საქართველოს წინააღმდეგ რუსული აგრესიიდან მე-12 წლისთავთან დაკავშირებით, ევროპარლამენტის საგარეო ურთიერთობათა კომიტეტის თავმჯდომარე დევიდ მაკალისტერი, სამხრეთ კავკასიაში ურთიერთობათა დელეგაციის თავმჯდომარე მარინა კალიურან

საქართველოს მცოცავი ანექსია და ტერიტორიის 20 პროცენტის ოკუპაცია გრძელდება - ლინას ლინკევიჩუსი

7 აგვისტო, 2020 , 12:20

„საქართველოს მცოცავი ანექსია და ტერიტორიის 20 პროცენტის ოკუპაცია გრძელდება“, – ამ განცხადებას ლიეტუვის საგარეო საქმეთა მინისტრი ლინას ლინკევიჩუსი ტვიტერის ოფიციალურ გვერდზე აქვყენებს. „12 წელი გავ

გაერო-ს უშიშროების საბჭოს წევრი რვა ქვეყანა საქართველოსთან დაკავშირებით ერთობლივ განცხადებას ავრცელებს

6 აგვისტო, 2020 , 10:45

გაერო-ს უშიშროების საბჭოს დახურულ სხდომაზე 2008 წლის აგვისტოს ომის შემდგომ საქართველოში არსებულ ვითარებაზე იმსჯელეს. საბჭოს წევრებმა მოისმინეს გაერო-ს გენერალური მდივნის თანაშემწის, მიროსლავ იენჩას მოხსენება. შეხვედრა ვი

ლიბანში მომხდარ აფეთქებას უკავშირებენ ბათუმის პორტიდან მოზამბიკში მიმავალ გემს, რომელიც რუს ბიზნესმენს ეკუთვნოდა

5 აგვისტო, 2020 , 17:10

ლიბანური მედიის თანახმად, რამდენიმე ტონა ამონიუმის ნიტრატი, რომლის აფეთქებას 4 აგვისტოს დიდი მსხვერპლი და ნგრევა მოჰყვა ბეირუთის პორტის ტერიტორიაზე, სავარაუდოდ, ჩამოიტვირთა რამდენიმე წლის წინ, რუსი ბიზნესმენის იგორ გრეჩუ

გლოვის ამ მძიმე პერიოდში ლიბანელ ხალხს გამძლეობასა და სიმტკიცეს ვუსურვებ - გიორგი გახარია

5 აგვისტო, 2020 , 12:15

საქართველოს პრემიერ-მინისტრი გიორგი გახარია ლიბანის დედაქალაქ ბეირუთში მომხდარ აფეთქებას სოციალურ ქსელ „ტვიტერის“ ოფიციალურ გვერდზე ეხმაურება. მთავრობის მეთაური მწუხარებას გამოთქვამს მომხდარის გამო და ლიბანელ

რუსეთს ეშინია ჩვენი დაკარგვის, რადგან მას ნამდვილად არ ჰყავს ახლო მოკავშირეები - ალექსანდრ ლუკაშენკო

4 აგვისტო, 2020 , 14:50

რუსეთი ყოველთვის იყო, არის და იქნება ბელარუსის უახლოესი მოკავშირე, ვინც არ უნდა იყოს ბელარუსის ან რუსეთის ხელისუფლებაში, – ამის შესახებ ბელარუსის პრეზიდენტმა, ალექსანდრ ლუკაშენკომ, ქვეყნის მოსახლეობისა და ეროვნული

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე