პოლიტიკა
ჩემთვის არცერთი პოლიტიკური პარტიის ლიდერი მისაღები არაა ლეიბორისტულის გარდა - შალვა ნათელაშვილი
ლეიბორისტული პარტიის ლიდერს არ აქვს ჯერ გადაწყვეტილი იყრის თუ არა კენჭს 2018 წლის საპრეზიდენტო არჩევნებში.
როგორც შალვა ნათელაშვილმა გადაცემა „რეაქციაში“ სტუმრობის დროს განაცხადა, ორჯერ ამომრჩეველმა ვერ აღიქვა თუ რას გაუკეთებდა ქვეყანას და ხალხს.
თუმცა, ნათელაშვილმა იმასაც გაუსვა ხაზი, რომ მისთვის „არც ერთი პოლიტიკური ლიდერი არ არის მისაღები, ლეიბორისტული პარტიის და ლიდერის გარდა“.
„არ ვიცი ჯერ, მე უკვე ორ საპრეზიდენტო არჩევნებში მივიღე მონაწილეობა. ორჯერვე ამომრჩეველმა ვერ აღიქვა ის, თუ რას გავუკეთებდი ქვეყანას და ხალხს, შესაბამისად დაკარგა ქვეყანამ და არა მე. გლეხის შვილი ვარ და შესაბამისად მოვკვდები ისე რომ არაპრეზიდენტობა არავითარ დისკომფრტს არ შემიქმნის. თუმცა მე რომ პრეზიდენტი ვყოფილიყავი ამ ხალხს ეშველებოდა იმ გაგებით, რომ არ იქნებოდა ამდენი სოციალურად დაუცველი, არ იქნებოდა ამდენი ყაჩაღობა, პენსიებიც , სამსახურიც ექნებოდათ. არც ხეების თხრა იქნებოდა. არც ამერიკასთან და არც რუსეთთან გაფუჭდებოდა ურთიერთობა და იქნებოდა კანონიერი ურთიერთობები“,-აღნიშნა ნათელაშვილმა.
მონიკა დავლიანიძე