რეგიონები

ჭიათურაში სამმა მამაკაცმა პირი ამოიკერა

ჭიათურაში, პოლიციის შენობასთან სამი ახალგაზრდა მამაკაცი მეგობრის გათავისუფლების მოთხოვნით შიმშილობს.

პეტრე ივანოვმა, ლევან მასხარაშვილმა და ბექა ჭუმბურიძემ პროტესტის ნიშნად პირი ამოიკერეს. ისინი ჭიათურის პოლიციის უფროსის ლაშა ჩხიტუნიძის და მისი მოადგილის მიშა გიგაურის თანამდებობიდან გადადგომას ითხოვენ.

როგორც მოშიმშილეები აცხადებენ, 26 მაისს, მათი ცხრა მეგობარი პოლიციამ ძალადობრივი მეთოდების გამოყენებით დააკავა, რვა ადმინისტრაციული წესით გაასამართლა და გამოუშვა, ერთ მათგანს - თემურ გოშაძეს კი ორთვიანი წინასწარი პატიმრობა შეეფარდა.

მოშიმშილეები მეგობრის გათავისუფლებას ითხოვენ და აცხადებენ, რომ პოლიცია ახალგაზრდებს თანამშრომლობას თხოვდა, წინააღმდეგ შემთხვევაში დაჭერით ემუქრებოდა.

ნინო ექვთიმიშვილი