უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
არქივი
სამართალი
ჭიდაობის ჩემპიონატზე დაპირისპირების საქმეზე საბურთალოს პოლიციის განყოფილებაში გამოკითხვები განახლდა
ჭიდაობის ჩემპიონატზე დაპირისპირების საქმეზე საბურთალოს პოლიციის განყოფილებაში გამოკითხვები მიმდინარეობს.
პირველ არხს შინაგან საქმეთა სამინისტროში განუცხადეს, რომ ჭიდაობის ჩემპიონატზე დაპირისპირების საქმეზე საგამოძიებო მოქმედებები მიმდინარეობს და თვითმხილველების გამოკითხვები გრძელდება.
მათივე ცნობით, ჭიდაობის ჩემპიონატზე დაპირისპირებაში მონაწილე პირებმა გამოძიებასთან თანამშრომლობაზე უარი თქვეს, ამიტომ სასამართლო წესით გამოიკითხებიან.
საბურთალოს პოლიციის განყოფილებაში გამოკითხვები გუშინ გვიან ღამემდე გაგრძელდა. ჭიდაობის ჩემპიონატზე დაპირისპირების საქმეზე პირველი არხის სპორტული ფოტოკორესპონდენტი თამარ ყულუმბეგაშვილი გამოიკითხა. სამართალდამცველებს კითხვები მის მიერ გადაღებულ ფოტოებთან დაკავშირებით ჰქონდათ და აინტერესებდათ, დაინახა თუ არა ჩხუბის დაწყების მომენტი.
სამართალდამცავების კითხვებს ასევე უპასუხებს თბილისის ჭიდაობის ფედერაციის გენერალური მდივანი, გოჩა ჩორგოლიანი.
ჩორგოლიანის თქმით, გეგა გეგეშიძეს თანამდებობის დატოვება მოუწევს და მასთან ერთად შეიცვლება ჭიდაობის ფედერაციის პრეზიდიუმის შემადგენლობაც.
„პრეზიდიუმი ამ, შემთხვევაში საერთოდ გადასარჩევია, როგორც უნდა წავიდეს პრეზიდენტი, ისე ფედერაციის პრეზიდიუმიც არის გაყალბებული, პირდაპირ ვიტყვი, არ მოვერიდები, ნამდვილი წევრები ამოღებული არიან და არიან გეგას ხელდასმული პიროვნებები. გადასახედია ყველაფერი. ამას რეაგირება მოჰყვება, აუცილებლად გადადგება, სხვა გზა არ ექნება და შესაბამისს პასუხსაც აგებს, რა თქმა უნდა,“ - განაცხადა ჩორგოლიანმა.