უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
ჩვენ განსაკუთრებულად დაინტერესებული ვართ, მეტი კერძო ინვესტიცია ვიხილოთ ინფრასტრუქტურულ პროექტებში - მამუკა ბახტაძე
ვენ განსაკუთრებულად დაინტერესებული ვართ, მეტი კერძო ინვესტიცია ვიხილოთ ჩვენს ინფრასტრუქტურულ პროექტებში და საჯარო-კერძო პარტნიორობის სააგენტო არის უნიკალური პლატფორმა ამ მიზნის მიღწევისთვის, - ამის შესახებ საქართველოს პრემიერ-მინისტრმა მამუკა ბახტაძემ საჯარო-კერძო პარტნიორობის განვითარებისადმი მიძღვნილ კონფერენციაზე სიტყვით გამოსვლისას განაცხადა.
მთავრობის მეთაური დარწმუნებულია, რომ საჯარო-კერძო პარტნიორობის რეფორმა, რომელიც საუკეთესო საერთაშორისო გამოცდილებას ეფუძნება, ერთ-ერთი ყველაზე წარმატებული იქნება.
„ჩვენ შევეცადეთ, საუკეთესო საერთაშორისო გამოცდილება მოგვერგო ჩვენი რეალობისთვის, იმ მთავარი მიზნების მიღწევისთვის, რაც ჩვენი ეკონომიკის წინაშე დგას. ბუნებრივია, ეს არის სიღარიბის დაძლევა და მეტი ინკლუზიური ზრდა. დარწმუნებული ვარ, ეს ფორმატი საშუალებას მოგვცემს, საქართველოში მოვიზიდოთ მეტი პირდაპირი უცხოური ინვესტიციები, შევქმნათ მეტი სამუშაო ადგილები და საქართველო გავხადოთ უფრო კონკურენტუნარიანი გლობალურ ბაზარზე. ამავე დროს, ჩემთვის, როგორც მთავრობის ხელმძღვანელისთვის, განსაკუთრებულად პრიორიტეტულია, დარწმუნებული ვიყოთ ნებისმიერი პროცესის გამჭვირვალობაში და იმაში, რომ გადაწყვეტილებების მიღების სტანდარტი ყველაზე მაღალი და ეფექტურია. ამ თვალსაზრისითაც, საჯარო და კერძო სექტორის თანამშრომლობის ფორმატი უნიკალურია, ვინაიდან მოცემული ინდიკატორები დაპარამეტრები, ძალიან ამბიციურია და შეესაბამება საუკეთესო საბაზრო ეკონომიკის ქვეყნების გამოცდილებას“, - განცახადა პრემიერ-მინისტრმა.
მამუკა ბახტაძემ ისაუბრა იმ ნაბიჯებზე, რომლებიც მთავრობამ ამ რეფორმისთვის გადადგა და საერთაშორისო პარტნიორებს მხარდაჭერისთვის განსაკუთრებული მადლობა გადაუხადა.
„დარწმუნებული ვარ, ეს პროექტი იქნება ერთ-ერთი ყველაზე წარმატებული იმ რეფორმათა შორის, რომელსაც ჩემი მთავრობა ახორციელებს. მსურს, კერძო სექტორს მოვუწოდო მეტი აქტიურობისკენ, რათა კარგად შეისწავლონ ის პრინციპები, რომლითაც ეს სააგენტო იმოქმედებს. განსაკუთრებულ მადლობას ვუხდი ჩვენს საერთაშორისო პარტნიორებს, რომელთა მხარდაჭერის გარეშე, გაგვიჭირდებოდა ასეთ მოკლე ვადებში სააგენტოს, ახალი სამართლებრივი ჩარჩოს შექმნა და იმ საერთო პრიორიტეტების დასახვა, რომელიც დაგვეხმარება ყველაზე მნიშვნელოვანი გამოწვევების დაძლევაში, როგორიც არის სიღარიბე და მეტი ინკლუზიური ზრდის მიღწევა“, - აღნიშნა პრემიერმა.
პრემიერის პრესსამსახურის ინფორმაციით, საქართველოში პირველად, საჯარო-კერძო თანამშრომლობის განვითარებაზე ორდღიანი კონფერენცია გაიხსნა.
კონფერენციაზე იმსჯელებენ საქართველოს მთავრობის მიღწევებზე მდგრადი სტრუქტურული რეფორმების განხორციელების, ღია მმართველობისა და გადაწყვეტილების მიღების პროცესის გაუმჯობესების მიმართულებით. ასევე ყურადღება დაეთმობა საჯარო და კერძო თანამშრომლობის განვითარების როლს ინკლუზიური ზრდისა და სიღარიბის დაძლევის უზრუნველყოფაში.
კონფერენციის მხარდამჭერები არიან საქართველოს მთავრობა, აზიის განვითარების ბანკი (ADB) დაგაეროს განვითარების პროგრამა (UNDP), შვეიცარიისა და ავსტრიის მთავრობების ხელშეწყობით.
ღონისძიების მონაწილეებს ასევე სიტყვით მიმართეს აზიის განვითარების ბანკის (ADB) დირექტორმა საქართველოში იეშიმ ელჰან-ქაიალარმა, გაეროს განვითარების პროგრამის (UNDP) ხელმძღვანელმა ლუიზა ვინტონმა და საქართველოს საჯარო და კერძო თანამშრომლობის სააგენტოს ხელმძღვანელმა ალექსანდრე რევიამ.