უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
ჩვენ გვაქვს სამუშაო ადგილები, მაგრამ არ არის შესაბამისი კვალიფიციური კადრი - ელგუჯა მელაძე
დამსაქმებელთა ასოციაციის პრეზიდენტის, ელგუჯა მელაძის განცხადებით, სამუშაო პირობების მიუხედავად დგას კვალიფიციური კადრების დეფიციტის პრობლემა. მისივე თქმით, კადრების სიმცირის პრობლემის აღმოსაფხვრელად მნიშვნელოვანია პროფესიული განათლება.
„საკითხი დგას ასე - ჩვენ გვაქვს სამუშაო ადგილები, მაგრამ არ არის შესაბამისი მიწოდება ბაზარზე. ამაში იგულისხმება კვალიფიციური კადრი, ანუ შესაბამისი კადრი. სამუშაო ადგილებზე, სადაც არის შესაბამისი საკვალიფიკაციო მოთხოვნები, ამ საკვალიფიკაციო მოთხოვნების შესაბამისი კადრი უნდა იყოს მიწოდებული. ეს უნდა გააკეთოს განათლების სისტემამ. ძირითადი აქცენტები კეთდება პროფესიულ განათლებაზე, რაც მთელ მსოფლიოში არის საკმაოდ განვითარებული", - განაცხადა მელაძემ.
მელაძემ ჩამოთვალა ის პროფესიები, რომლის კადრების სიმცირეცაა ქვეყანაში.
„იქიდან გამომდინარე, რომ საქართველო ძირითადად აგროწარმოების ქვეყანაა, ბევრი საწარმო შეიქმნა. აქ გვაქვს ჩვენ დიდი პრობლემა, მოთხოვნა, აგრონომებზე, ტრაქტორისტებზე, მექანიზატორებზე. ასევე, რასაკვირველია, მოთხოვნა გვაქვს ცოტა უფრო მაღალი რანგის სპეციალისტებზე. თუმცა, ესეც პროფესიული განათლების რანგში ჯდება, რასაც თანამედროვე ცოდნა ესაჭიროება", - განაცხადა მელაძემ.
დამსაქმებელთა ასოციაციის პრეზიდენტმა აღნიშნა, რომ კვალიფიციური კადრების მოთხოვნაა სურსათის გადამუშავების სფეროშიც და ასევე მოთხოვნადია ტურისტულ ინფრასტრუქტურასთან დაკავშირებული კადრები.
„ასევე სხვადასხვა სახის საწარმო ტექნოლოგიები შემოვიდა ქვეყანაში, რომლებსაც რასაკვირველია, შესაბამისი კადრი ესაჭიროება. ესენია ე.წ. მემონტაჟეები, გამმართველები, დიდი მოთხოვნა. მოთხოვნა არის ამწე მემანქანეებზე", - განაცხადა მელაძემ.
მისივე თქმით, ქვეყანაში ასევე დიდი მოთხოვნა არის შრომის უსაფრთხოების ინჟინრებზეც და ამ პრობლემის გადასაჭრელად სოციალური პარტნიორები და პროფკავშირები მსჯელობენ.