უკან

უახლესი ამბები

დღის კალენდარი

ანონსები

არქივი

კომენტარი

18 ოქტომბერი, 2018 17:30
font-size

ჩვენ გვაქვს საქმე ძალიან მნიშვნელოვან ფაქტების აღრევასთან - მამუკა ბახტაძე

საზოგადოება ძალიან კარგად აფასებს ყველაფერს, თუ სად გადის ზღვარი რეალობასა და მისტიკას შორის,- ასე უპასუხა საქართველოს პრემიერ-მინისტრმა, მამუკა ბახტაძემ ჟურნალისტის კითხვას, რომ მირზა სუბელიანი თავის დაკავებას სახელმწიფოსთან და შს მინისტრთან შეთანხმებულ ფაქტს უწოდებს.

„პირველ რიგში, უნდა აღვნიშნოთ ის გარემოება, რომ პროკურატურამ გააკეთა განცხადება და ამ საკითხზე გამოძიება დაიწყო რამდენიმე დღით ადრე, ვიდრე ჩვენ ვიხილეთ. ჩვენ გვაქვს საქმე ძალიან მნიშვნელოვან ფაქტების აღრევასთან. ძალიან კონკრეტული მაგალითი მინდა გითხრათ. დღეს კახი კახიშვილმა ამ საკითხზე განცხადებაც გააკეთა, რომ მას ფიზიკურადაც არ ჰქონია ინტერაქცია ამ ადამიანთან. შესაბამისად, მისი საუბრისა და მის მიერ დასახელებული ფაქტების უმრავლესობაში არის ილუზია.

მთავარი ეს არ არის, მთავარია, რომ მსგავსი ფაქტებით სამწუხაროდ, ცდილობენ, რომ შემოიტანონ დისონანსი საზოგადოებრივ ცხოვრებაში და იმაში, რომ შექმნან გარკვეული მოლოდინი, არჩევნები ვერ ჩატარდება თავისუფალი და მშვიდობიანი გარემოს ფონზე. პირდაპირ მინდა განვაცხადო, ნუ აქვთ ამის ილუზია“,- განაცხადა მამუკა ბახტაძემ.

მისივე თქმით, ადამიანების გარკვეულ ნაწილს რეალობის მოდელირება ჰობად ექცა.

„სრული პასუხისმგებლობით მინდა განვაცხადო, რომ არჩევნები ჩაივლის მშვიდობიან და თავისუფალ გარემოში იმ სტანდარტით, საითკენაც თითოეული ჩვენგანი მივისწრაფით, ევროპული ოჯახისკენ და კანონების დაცვით ჩავატარებთ ამ არჩევნებს.

რა თქმა უნდა, ყველაზე მთავარი, არჩევნების დღეს ქართველი ერი გააკეთებს თავის არჩევანს. დარწმუნებული ვარ, ეს არჩევანი იქნება ისეთი, რომელიც ემსახურება ჩვენს ყველაზე მნიშვნელოვან ეროვნული დანიშნულების მიზნებს, როგორიცაა საქართველოს ევროპასა და ნატო-ში ინტეგრაცია, ეკონომიკის განვითარება და რაც ყველაზე უფრო მნიშვნელოვნად მიმაჩნია პირადად მე, რომ წარსულს ჩავაბაროთ ის, რასაც ჩვენ ყველანი ვხედავთ. ეს არ არის ის, რაც სურს ქართულ საზოგადოებას. ეს არ შეეფერება იმ მიზნებს, რაც ჩვენ გვაქვს, ეს არ არის ევროპული ტიპის საარჩევნო კამპანია, რომელსაც ბევრი ოპოზიციონერი აწარმოებს. ეს არის პიროვნული შეტევები, სრულიად დაუსაბუთებელი შეურაცხყოფა.

გვაქვს საკმაოდ სერიოზული აცდენა იმ ფასეულობებთან, რომელსაც ოპოზიციის ნაწილსაც ამოძრავებს. გვსურს საქართველოში ინსტიტუტების მშენებლობა და პოლიტიკის დეპერსონიფიკაცია. ინსტიტუტები უნდა განსაზღვრავდნენ სახელმწიფოებრიობის სიმძლავრეს და ისინი უნდა იყვნენ საქართველოში პასუხისმგებელნი დემოკრატიული პროცესების გაღრმავებასა და გაძლიერებაზე. ნუ ექნებათ ჩვენს ოპონენტებს ილუზია, რომ საზოგადოებრივ ცხოვრებაში დისონანსს შემოიტანენ. არჩევნები ჩატარდება მშვიდობიან და სამართლიან გარემოში, სადაც მხოლოდ ქართველი ერი დააფიქსირებს არჩევანს“,- განაცხადა მამუკა ბახტაძემ.

მოვუწოდებთ კომპანია „ფრონტერას“ გაასაჯაროოს საერთაშორისო არბიტრაჟის გადაწყვეტილება - ნათია თურნავა

4 ივნისი, 2020 , 15:35

თქვენ იცით, რომ საერთაშორისო დავა „ფრონტერასთან“ ქართული მხარის სასარგებლოდ დასრულდა და მოდით, ერთად მოვუწოდოთ კომპანია „ფრონტერას“ გაასაჯაროოს ის გადაწყვეტილება, რაც მიიღო სერთაშორისო არბიტრაჟმა,

არავინ არსად არ მიდის, ჩვენ ყველანი ვრჩებით იქ, სადაც ამჟამად გვხედავთ და ვართ - თეა წულუკიანი

4 ივნისი, 2020 , 14:15

ვიცე-პრემიერმა, იუსტიციის მინისტრმა, თეა წულუკიანმა გიორგი გახარიას გადადგომასთან დაკავშირებით გუშინ გავრცელებულ ინფორმაციას ფეიკნიუსი უწოდა და აღნიშნა, რომ ფეიკნიუსები მის შესახებაც ვრცელდებოდა. „ბოლო დღეების განმ

ბექა ლილუაშვილი 2020 წლის ბიუჯეტზე - სამწუხაროდ, ოპოზიციის გარკვეული წარმომადგენლები ცდილობენ, მცდარი ინფორმაცია მიაწოდონ საზოგადოებას

3 ივნისი, 2020 , 16:35

სამწუხაროდ, ოპოზიციის გარკვეული წარმომადგენლების მხრიდან კვლავ ადგილი აქვს მცდელობას, მცდარი ინფორმაცია მიაწოდოს საზოგადოებას, - ამის შესახებ საქართველოს პრემიერ-მინისტრის მრჩეველი, ბექა ლილუაშვილი, სოციალურ ქსელში წერს.

თითო საათი 165 აშშ დოლარი ჯდება - თუ ეს ვინმეს ენანება ჩვენი ჯარისკაცებისთვის, მაშინ ეს მათ ნამუსზე იყოს - ირაკლი ღარიბაშვილი

3 ივნისი, 2020 , 13:15

ტელეკომპანია „რუსთავი 2“-ის გადაცემაში „ღამის კურიერი“ საქართველოს თავდაცვის მინისტრმა ჯარისკაცების წასახალისებლად თავდაცვის უწყების მიერ ჯერ კიდევ დეკემბერში შეკვეთილ სასაჩუქრე საათებზეც ისაუბრა.

20 წლის განმავლობაში ქართული ჯარი არასოდეს გამოკვებილა ნედლი, გაუყინავი, ახალი ხორცით. მე ეს პრობლემა მოვაგვარე - თავდაცვის მინისტრი

3 ივნისი, 2020 , 12:10

"ძალიან უაზრო, ცილისმწამებლური კამპანია" - ასე უწოდა თავდაცვის მინისტრმა ირაკლი ღარიბაშვილმა იმ ბრალდებებს, რომლებიც ჯარისკაცების კვებასთან დაკავშირებით ვრცელდებოდა. ირაკლი ღარიბაშვილმა "ღამის კურიერის" ეთერში აღნიშნა, რ

ჩვენთან პოლიტიკურმა ძალებმა არ იციან, ფული აკეთონ თუ პოლიტიკა - დავით ჭიჭინაძე

2 ივნისი, 2020 , 16:50

ჩვენთან პოლიტიკურმა ძალებმა არ იციან, ფული აკეთონ თუ პოლიტიკა და აი, ეს არის მთავარი პრობლემა, - აცხადებს პოლიტიკური მოძრაობა „ტრიბუნას“ ლიდერი, დამოუკიდებელი დეპუტატი დავით ჭიჭინაძე. ამასთან, დეპუტატი ოპოზიც

პირდაპირი TV

daily calendar

ვიდეო გალერეა

ქრისტე აღსდგა!