საზოგადოება

ჩვენ გვეკუთვნის ეს ტერიტორია და ჩვენ კუთვნილებაზეა ლაპარაკი - ანდრია ჯაღმაიძე საქართველო-აზერბაიჯანის საზღვრის შეუთანხმებელ მონაკვეთზე

ეკლესია-მონასტრების ტერიტორიები ეკუთვნის საპატრიარქოს – ამის შესახებ განცხადება, საპატრიარქოს საზოგადოებასთან ურთიერთობის სამსახურის ხელმძღვანელმა ანდრია ჯაღაიძემ "კურიერთან" საუბრისას განაცხადა.

"გვაქვს გარკვეული ინფორმაცია, მაგრამ საჭირო არის, რომ ვის ხელშიც არის ყველაფერი, მან განაცხადოს. როდესაც ჩვენ ვსაუბრობთ დავით გარეჯის მიმდებარე სასაზღვრო ზოლზე, ერთის მხრივ ეს არი სახელმწიფოს საზღვარი და ძალიან მნიშვნელოვანი კომპონენტი არის ამ საქმის, თუმცა უნდა განვიხილოთ სხვა ასპექტითაც. ეკლესია-მონასტრების ტერიტორიები ეკუთვნის საპატრიარქოს და ამ შემთხვევაში საპატრიარქოს ჩართულობა ამ ფაქტორითაც არის გამართლებული, რომ ეს არის ჩვენი ტერიტორიები. ჩვენ გვეკუთვნის ეს ტერიტორია და ჩვენ კუთვნილებაზეა ლაპარაკი, როდესაც საზღვრის გავლებაზეა საუბარი ზედ კომპლექსის ნაწილზე," - განაცხადა ანდრია ჯაღმაიძემ.