უკან

უახლესი ამბები

დღის კალენდარი

ანონსები

არქივი

პოლიტიკა

13 სექტემბერი, 2018 17:50
font-size

ჩვენ გვიმზადებენ ავღანეთს, კოლუმბიას - მიხეილ სააკაშვილი

საქართველოს ყოფილი პრეზიდენტის, მიხეილ სააკაშვილის მტკიცებით, მთავრობის ახალი ინიციატივა, რომელიც გულისხმობს საქართველოში საექსპორტოდ კანაფის მოყვანა-წარმოებას სამედიცინო მიზნებისთვის, ქვეყანას ავღანეთის სცენარამდე მიიყვანს.

„კიდევ ერთხელ ივანიშვილსა და მარიხუანაზე, ივანიშვილი და მთელი თავისი მინისტრები, პრემიერი, შს მინისტრი დამწკრივდნენ და ამტკიცებენ, რომ ეს არის ეკონომიკისთვის ძალიან კარგი. ჩვენ უკვე ვნახეთ ივანიშვილის ერთი ინიციატივა- ბიტკოინების ქარხანა გლდანში. რომელიმე თქვენგანმა მიიღო რაიმე შემოსავალი ბიტკოინებისგან? გარდა იმისა, რომ გაგიძვირდათ დენი, იმიტომ რომ ის ბიტკოინების ქარხანას მინიმალურ ფასში მიეწოდებოდა, თითოეული თქვენგანის ხარჯზე. ზუსტად ასევეა მარიხუანა.

საქმე ისაა, რომ ივანიშვილი დაინტერესებულია იმით, რომ გლეხები გაკოტრდნენ, ვაზისა და ღვინის ქვეყანაში ვაზი გაიჩეხოს, თხილი და ციტრუსები გაიჩეხოს, მიწები იაფად ჩაიგდოს ხელში. ისინი აპირებენ, როგორც თვითონ თქვეს, ამ ნათესების დაცვას, ე.ი ხალხისგან იზოლირებას. მათ სჭირდებათ მიწები, რომელიც აღარ იქნება ხალხის საკუთრებაში და ხალხი მათში ვერ შევა. როგორც შემოღობა ბოტანიკური, როგორც შემოღობა თბილისის ცენტრი, ზუსტად ასევე აპირებს საქართველოში უთვალავი მიწების შემოღობვას და ამას არც მალავს. ეს ერთი, მეორე - მე მინდა ვუთხრა იმ ვითომ პროგრესულ ხალხს, რომელთაც მაგალითად მოჰყავთ ამერიკა და ბრიტანეთი. უნდა შეხედოთ მარიხუანას ბაზარს და ნახავთ, რომ ეს პრაქტიკულად არის ჩაკეტილი. ეს მარიხუანა არ გავა ექსპორტზე, იმიტომ რომ ეს ბაზარი დიდი ხანია განაწილებული აქვთ ძალიან დიდი წარმოების ქვეყნებს. პრაქტიკულად ჩვენ მივიღებთ დიდ შიდა ქსელს. მე როცა მელაპარაკებიან ამერიკაზე, ბევრად უფრო ახლო მაგალითი გვაქვს, ეს არის ავღანეთი. ავღანეთი 70-იან წლებში იყო ძალიან პროგრესული ქვეყანა, განათლებული ხალხით, თანამედროვე ინფრასტრუქტურით, შადრევნებით, უჩადრო ქალებითა და ასე შემდეგ. 70-იან წლებში მასობრივად შევიდა ყაყაჩოს კულტურა და მთელი ქვეყანა დაჯდა და დაიწყო მოწევა. მე ნამყოფი ვარ ავღანეთში და ვიცი, რაზე ვსაუბრობ. ეს არის ერთ-ერთი ყველაზე გაუბედურებული ქვეყანა, თუ ყველაზე გაუბედურებული არა, მსოფლიოში.

ჩვენ გვიმზადებენ არა კოლორადოს შტატობას, თუმცა არც კოლორადოს შტატშია ყველაფერი კარგად, ჩვენ გვიმზადებენ ავღანეთს, კოლუმბიას. ამ პირობებში ჩვენ უნდა შევქმნათ წინააღმდეგობის ფრონტი, რათა არ დავუშვათ ჩვენი ერის გადაგვარება- გადაჯიშება. იმიტომ რომ, რასაც ჩვენ ახლა გვეუბნებიან, ეს არაა თავისუფლება. ნარკოტიკებს მოაქვთ დანაშაული, კარტელს მოაქვს ხელისუფლების უზურპაცია, მოაქვს უკიდურესი გაღატაკება და პირდაპირ რომ ვთქვათ გამოშტერება მოსახლეობის.

მე არ მინდა ჩემი ქვეყნისთვის ეს, მოდით, ყველამ ერთმანეთს მოვუყვეთ ამის შესახებ და არ მივცეთ საშუალება ივანიშვილს, გამდიდრების პათოლოგიური სურვილისა და ქართველი ერის სიძულვილის გამო , საბოლოოდ გაანადგუროს საქართველო. ეს აღარ არის ხუმრობა და პოლიტიკური საკითხები. მეც ბოლომდე ჩავერთვები, აუცილებლად შემოგიერთდებით ამ ბრძოლაში, პირადად , ფიზიკურად ჩავერთვები, ვიქნები თქვენთან ერთად, სიცოცხლის ფასადაც რომ დამიჯდეს, იცოდეთ, რომ ნამდვილად არ მიგატოვებთ ამ დიდი საფრთხის წინაშე, ჩვენ ყველანი ერთად ვკარგავთ სამშობლოს და ეს არ უნდა დავუშვათ“, - განაცხადა სააკაშვილმა ფეისბუკის საკუთარ გვერდზე გამოქვეყნებულ ვიდეომიმართვაში.

საკვანძო სიტყვები:

გიორგი ვაშაძე - საარჩევნო პროცესი მიდის გაუგონარი ძალადობისა და ფიზიკური დაპირისპირების ფონზე, ამ ყველაფერმა არავინ შეგაშინოთ, მოდით არჩევნებზე

31 ოქტომბერი, 2020 , 17:40

საარჩევნო პროცესი მიდის გაუგონარი ძალადობისა და გაუგონარი ფიზიკური დაპირისპირების ფონზე. მოსყიდვა, დაპირისპირება და ზონდერ ჯგუფები, აი, ეს არის რეალობა, რაც ახლა ხდება არჩევნებზე, – ამის შესახებ „სტრატეგია აღ

ნიკა მელია - მივმართავ ქვეყნის მხარდამჭერებს, კრიტიკული საათები მოდის, ხმებს დაცვა სჭირდება

31 ოქტომბერი, 2020 , 17:40

მივმართავ ამ ქვეყნის მხარდამჭერებს, კრიტიკული საათები მოდის, ხმებს დაცვა სჭირდება, გთხოვთ უმორჩილესად, მობრძანდეთ გლდანის ცენტრალურ შტაბში, რათა დაახლოებით საათ-ნახევარში ჩვენ გადავნაწილდეთ და მშვიდობიანად დავიცვათ ხმები

ბოლომდე უნდა გავანეიტრალოთ, ახლა არის საქმის ბოლომდე მიყვანის დრო - მიხეილ სააკაშვილი

31 ოქტომბერი, 2020 , 16:35

ბოლომდე უნდა გავანეიტრალოთ, ახლა არის საქმის ბოლომდე მიყვანის დრო –ამის შესახებ განცხადება საქართველოს მესამე პრეზიდენტმა, უკრაინის რეფორმების საბჭოს აღმასრულებელი კომიტეტის თავმჯდომარემ, მიხეილ სააკაშვილმა გააკეთა

ველოდები არაორპოლუსიან, არამედ მრავალპარტიულ პარლამენტს- გიორგი მარგველშვილი

31 ოქტომბერი, 2020 , 14:20

საქართველოს მეოთხე პრეზიდენტი ხელისუფლების ცვლილების მოლოდინშია. გიორგი მარგველაშვილმა საკუთარი არჩევანი ცოტა ხნის წინ დააფიქსირა და აღნიშნა, რომ ის რიგები და მაღალი აქტივობა, რომელიც საარჩევნო უბნებზე ფიქსირდება ნიშნავს

მე გაძლევთ გარანტიას, რომ ეს არჩევანი იქნება თავისუფალი და ხალხის ნება სრული სიზუსტით აისახება არჩევნების შედეგებში - ბიძინა ივანიშვილი

30 ოქტომბერი, 2020 , 21:06

მე „ქართული ოცნების“ სახელით გაძლევთ გარანტიას, რომ ეს არჩევანი იქნება თავისუფალი და ხალხის ნება სრული სიზუსტით აისახება არჩევნების შედეგებში, - ამის შესახებ პარტია „ქართული ოცნების“ თავმჯდომ

მიღებულია შესაბამისი ზომები არჩევნების უსაფრთხო და თავისუფალ გარემოში ჩასატარებლად - ნათია მეზვრიშვილი

30 ოქტომბერი, 2020 , 19:06

საქართველოში არსებული წინასაარჩევნო გარემო, 31 ოქტომბრის საპარლამენტო არჩევნები და პანდემიის პირობებში მიღებული უსაფრთხოების ზომები იყო მთავარი თემა საქართველოს მთავრობის ადმინისტრაციის უფროს ნათია მეზვრიშვილის, ეროვნული