პოლიტიკა

ჩვენ ყველანი ვდგავართ ჩიხური სიტუაციის წინაშე - პრეზიდენტი

საქართველოს პრეზიდენტის, გიორგი მარგველაშვილის განცხადებით, ქვეყანაში პოლიტიკური პროცესები ჩიხში შევიდა. პრეზიდენტმა ურჩია მმართველ გუნდს, საკონსტიტუციო ცვლილებები პოლიტიკური კონსესუსის გზით მიიღოს.

„დღეს ყველანი ვდგავართ ჩიხური სიტუაციის წინაშე. მე ვფიქრობ, იმისთვის, რომ არ შეჩერდეს ქათული დემოკრატიის განვითარება, იმისთვის, რომ დემოკრატია არ შევიყვანოთ ჩიხში, „ქართულმა ოცნებამ“ უნდა გაიაზროს, რომ ეს პროცესი სერიოზულად აზიანებს ჩვენი ქვეყნის დემოკრატიულ განვითარებასა და დემოკრატიულ იმიჯს, უნდა შეაჩეროს ეს პროცესი და დავიწყოთ კონსტიტუციური პროცესი ისე, როგორც უნდა მიმდინარეობდეს - დიალოგის, კონსენსუსის, ჩართულობის ღირებულებებიდან გამომდინარე. გავიგე, რომ 6 თვე დასჭირდა იმას, რომ ეს ანბანური ჭეშმარიტება ჩვენთვის, ევროპიდან ეთქვათ. ახლა ვითარების სირთულე გავიაზროთ და ნუ შევიყვანთ ქვეყნის დემოკრატიულ განვითარებას კრიზისში“, - განაცხადა პრეზიდენტმა ვენეციის კომისიის თავმჯდომარის, ჯანი ბუკიკიოსთან შეხვედრის შემდეგ.