კომენტარი

ჩვენ ვაფრთხილებდით სახელმწიფოს, რომ დადგებოდა ამ საქმეზე დამოუკიდებელი გამოძიების ჩატარების მოთხოვნა - ნინო ლომჯარია

სახალხო დამცველი, ნინო ლომჯარია ევროპის საბჭოს კომიტეტის მიერ ყოფილი შს მინისტრის, ვანო მერაბიშვილის განაჩენების ეჭვქვეშ დაყენებას ეხმაურება.

ნინო ლომჯარიას განცხადებით, რაც მინისტრთა კომიტეტმა თქვა ვანო მერაბიშვილის საქმესთან დაკავშირებით, სახალხო დამცველის აპარატი იმავეს ამბობდა ჯერ კიდევ გასული წლის ანგარიშში.

"ჩვენ ვაფრთხილებდით სახელმწიფოს, რომ დადგებოდა ამ საქმეზე დამოუკიდებელი გამოძიების ჩატარების მოთხოვნა,"- აცხადებს ლომჯარია.

სახალხო დამცველის შეფასებით, საკითხავია პროკურატურა რამდენად იქნება ის უწყება, რომელმაც ეს საკითხი უნდა გამოიძიოს, რადგან სწორედ ყოფილი პროკურორია ერთ-ერთი ის სავარაუდო პირი, ვინც შესაძლოა, ციხიდან გაყვანის საქმესთან კავშირში ყოფილიყო.

ცნობისთვის, ევროპის საბჭოს კომიტეტში არ გამორიცხავენ, რომ არსებობდეს კავშირი ამ განაჩენებსა და იმ ზეწოლას შორის, რომელსაც ადგილი ჰქონდა მერაბიშვილის საკნიდან გაყვანის დროს.