პოლიტიკა
ჩვენ ვართ ხელისუფლება, რომელსაც შეცდომებიც აქვს, მაგრამ ამ შეცდომებზე ხდება ადეკვატური რეაგირება - გიორგი კვირიკაშვილი
ჩვენ ვართ ხელისუფლება, რომელსაც შეცდომებიც აქვს, თუმცა ამ შეცდომებზე ხდება ადეკვატური რეაგირება, - განაცხადა საქართველოს პრემიერმა, გიორგი კვირიკაშვილმა დედაქალაქში დაგეგმილ აქციებზე საუბრისას.
პრემიერმა მთავრობის დღევანდელ სხდომაზე იმ მოთხოვნებზე გაამახვილა ყურადრება, რომელიც მთავრობის გადადგომას ეხება.
კვირიკაშვილის შეფასებით, ოპოზიციის ნაწილი შეეცადა არსებული სიტუაცია გამოეყენებინა და არაადექვატური მოთხოვნები დააყენა.
„არ მინდა ბევრი საუბარი იმაზე, პოლიტიკურად ანგაჟირებულმა ჯგუფებმა, სამწუხაროდ, როგორ გამოიყენეს ეს სიტუაცია და აბსოლუტურად არამართლზომიერ, ვითარებისადმი არაადეკვატურ მოთხოვნებს აყენებდნენ და აყენებენ. საზოგადოება ყველაფერს კარგად ხედავს.
ამ საზოგადოებას უცხოვრია იმ სახელმწიფოში, სადაც სახელმწიფო აბსოლუტურად არ უსმენდა ხალხის ხმას, სადაც თვეების განმავლობაში ქუჩაში დგომის მიუხედავად, რეაგირება ნულის ტოლი იყო. დღეს ჩვენ გვაქვს სახელმწიფო, სადაცა ხელისუფლებას ადარდებს ხალხის აზრი.
რა თქმა უნდა, ჩვენ ვართ ხელისუფლება, რომელსაც შეცდომებიც აქვს და უშეცდომო არავინ არის, მაგრამ ამ შეცდომებზე ხდება ადეკვატური რეაგირება, საპასუხო პოლიტიკური ქმედებების დაგეგმვა”,-განაცხადა პრემიერმა.