უკან

უახლესი ამბები

დღის კალენდარი

ანონსები

არქივი

საზოგადოება

7 დეკემბერი, 2017 16:55
font-size

ჩვენი დედაქალაქი იქნება ყოველთვის იმ ქალაქებს შორის, რომელიც არის საუკეთესო - კახა კალაძე

მე მართლა მაქვს ამბიცია, რომ ჩემი დედაქალაქი იყოს ყველაზე ლამაზი, ყველაზე განათებული მსოფლიო ქალაქებს შორის, ამიტომ ნამდვილად მიუღებელია ის განცხადებები, რაც მოვისმინეთ გაკოტრებული პარტიის წარმომადგენლებისგან, - განაცხადა თბილისის მერმა კახა კალაძემ და აღნიშნულით საახალწლო განათებებთან დაკავშირებით თბილისის საკრებულოს "ნაციონალური მოძრაობის" წევრების კრიტიკას გამოეხმაურა.

მისი თქმით, კანონი არ კრძალავს ერთ პირთან მოლაპარაკებას და ყოფილი მერის მიერ მიღებული გადაწყვეტილება სწორია.

მისივე განმარტებით, იტალიურმა კომპანიამ გასულ წელს საახალწლოდ ლონდონი მორთო და აღიარებაც დაიმსახურა, შესაბამისად, კალაძის განცხადებით, მასაც აქვს პრეტენზია, რომ თბილისი იყოს საუკეთესოდ მორთული.

"მე უფლებამოსილებას შევუდექი ნოემბრიდან, ეს ხელშეკრულება გაფორმებული იყო სექტემბრის ბოლოს, ოქტომბრის დასაწყისში, შესაბამისად, სწორი გადაწყვეტილება იყო. კანონი არ კრძალავს ერთ პირთან მოლაპარაკებას მით უმეტეს, თუ გავითვალისწინებთ იმას, რომ კომპანია, რომელთანაც იქნა გაფორმებული 620 000 ევროს ხელშეკრულება, ეს არის მსოფლიოში ერთ-ერთი წამყვანი კომპანია. სხვათა შორის, გასულ წელს ამ კომპანიის მიერ იქნა მორთული ლონდონი წინასაახალწლოდ და მან მიიღო აღიარება, რომ საუკეთესოდ მორთული იყო ინგლისის დედაქალაქი. შესაბამისად, ჩვენც გვაქვს პრეტენზია, რომ ჩვენი ქალაქი იყოს საუკეთესო და ყველაზე ლამაზი", - განაცხადა კახა კალაძემ.

დედაქალაქის მერის თქმით, მომდევნო წლებში უფრო მეტი იქნება გაკეთებული, რომ საახალწლო განათებები უფრო ლამაზი იყოს.

"ჩვენი დედაქალაქი იქნება ყოველთვის იმ ქალაქებს შორის, რომელიც არის საუკეთესო. ჩვენ არავის არაფრით ჩამოვუარდებით - საახალწლო განათებებსაც გავაკეთებთ როგორც შეეფერება დედაქალაქს და აქ მაცხოვრებელ ადამიანებს და ზოგადად, საქართველოში მცხოვრებ ადამიანებს. ჩვენ ეკოლოგიასაც მივხედავთ, ტრანსპორტსაც განვაახლებთ, მოვაწესრიგებთ ინფრასტრუქტურას, რეაბილიტაციას გავუკეთებთ ძველ თბილისს და ამაში ვერავინ შეგვეწინააღმდეგება", - განაცხადა კალაძემ.

ცნობისათვის, „ნაციონალური მოძრაობის“ წევრის ლევან ხაბეიშვილის განცხადებით, თბილისში საახალწლო განათებების შესაძენად შერჩეული კომპანია თბილისის მერიამ კორუფციული სქემის მეშვეობით შეარჩია.

მისი თქმით, კომპანია, რომელიც თბილისის მერიამ შეარჩია, არის იტალიური და მას ანგარიშები იტალიაში აქვს. ხაბეიშვილის განმარტებით, საახალწლო განათებებისთვის გამოყოფილია 3 მილიონი ლარი და ეს არის იმაზე მეტი თანხა, ვიდრე ოდესმე დახარჯულა.

ნინო ექვთიმიშვილი

საკვანძო სიტყვები:

ბათუმში ავტოსაგზაო შემთხვევის შედეგად სამი ადამაინი დაშავდა

16 დეკემბერი, 2017 , 17:29

ბათუმში ორი მანქანის შეჯახების შედეგად სამი ადამიანი დაშავდა, აქედან ორი მოზარდია. ისინი საავადმყოფოში გადაიყვანეს. მომხდარზე გამოძიება სისხლის სამართლის კოდექსის 276-ე მუხლით დაიწყო, რაც გულისხმობს ტრანსპორტის უსაფრთხო

ხულოში მე-12 კლასის მოსწავლე გარდაცვლილი იპოვეს

16 დეკემბერი, 2017 , 17:25

დღეს დილით ხულოში მე-12 კლასის მოსწავლე გარდაცვლილი იპოვეს. როგორც პირველი არხი ხულოს რესურსცენტრის უფროსზე, ედუარდ მიქელაძეზე დაყრდნობით იტყობინება, მოზარდმა თავი მოიკლა. მიქელაძის ინფორმაციით, მე-12-კლასელის ოჯახი ვაშლ

საზოგადოებრივი მაუწყებლის აღმასრულებელი საბჭოს პასუხი საქართველოს პრეზიდენტის შეთავაზებაზე

16 დეკემბერი, 2017 , 14:15

საქართველოს პრეზიდენტმა გიორგი მარგველაშვილმა გამოთქვა სურვილი, რომ „მაუწყებლობის შესახებ“ კანონში ცვლილებებთან დაკავშირებით შეხვდეს ამ საკითხით დაინტერესებული მხარეების წარმომადგენლებს. საზოგადობრივი მაუწყებ

ისრაელის სახლის ორგანიზებით, ფორუმი და ებრაული ბიბლიოთეკის გახსნის ცერემონიალი გაიმართა

16 დეკემბერი, 2017 , 13:35

„ისრაელის სახლის“ ორგანიზებით, თბილისში, საქართველოს პარლამენტის ეროვნული ბიბლიოთეკის საგამოფენო დარბაზში გაიმართა ებრაული ბიბლიოთეკის გახსნის ცერემონიალი, აინთო ხანუქას სანთელი და ქართველი სტუდენტების მონაწი

თავდაცვის მინისტრი პოლკოვნიკ ჯონ ქაროლს შეხვდა

16 დეკემბერი, 2017 , 11:50

საქართველოში ვიზიტით ევროპასა და აფრიკაში აშშ-ის საზღვაო ქვეითი ძალების სარდლის მოადგილე იმყოფება. პოლკოვნიკ ჯონ ქაროლს დღეს საქართველოს თავდაცვის მინისტრმა უმასპინძლა. შეხვედრაზე მხარეებმა საქართველოს შეიარაღებულ ძალებს

საქართველოსა და ინდონეზიას შორის თანამშრომლობის მემორანდუმი გაფორმდა

16 დეკემბერი, 2017 , 11:50

წარმატებული ანტიკორუფციული პოლიტიკა; ელექტრონული მმართველობა და გამჭვირვალე სახელმწიფო უწყებები; ელექტრონულად ხელმისაწვდომი სერვისები, რომელთა მიღებაც ქვეყნის მოქალაქეებს სწრაფად და მარტივად შეუძლიათ; წარმატებული კიბერუს