საზოგადოება

ჩვენი გასაჭირი არავინ გულთან არ მიიტანა -“ ბავშვთა სამყაროს” ხანძრის შედეგად დაზარალებულები აქციას მართავენ

“ბავშვთა სამყაროს” ხანძრის შედეგად დაზარალებული მოვაჭრეები მთავარ პროკურატურასთან აქციას მართავენ.

მოთხოვნები უცვლელია - ისინი ირაკლი შოთაძის მთავარი პროკურორის თანამდებობიდან გადადგომას და საქმის გამოძიების დაჩქარებას მოითხოვენ.

აქციის მონაწილეების განცხადებით, “ბავშვთა სამყარო” სპეციალურად გადაწვეს და ამ საქმეში “ბავშვთა სამყაროს” ხელმძღვანელობასთან ერთად საკუთარი როლი ითამაშეს მთავრობის წარმომადგენლებმა.

,,მეათე თვეა, ჩვენი გასაჭირი არავინ გულთან არ მიიტანა. არავისთან შეხვედრა აღარ გვინდა. რათ გვინდა, ასეთი ქვეყანა!?“, - აცხადებს აქციის ერთ-ერთი მონაწილე.

დაზარალებული მოვაჭრებიი ამბობენ, რომ აქციები პერმანენტულად გაგრძელდება.

ნინო ექვთიმიშვილი