საზოგადოება
ჩვენი ოპონენტების სტილია, რომ თვითონ რა მეთოდებითაც მოქმედებდნენ, დააბრალონ დღევანდელ ხელისუფლებას - ალექსანდრე ჯეჯელავა
ვიცე-პრემიერი, ალექსანდრე ჯეჯელავა შს მინისტრი ყოფილ მოადგილეზე, გელა ხვედელიძეზე თავდასხმასთან ხელისუფლების წარმომადგენლების რაიმე კავშირს გამორიცხავს.
,,ნებისმიერი ძალადობის ფაქტი თავისთავად არის გასაკიცხი და როგორც ითქვა შინაგან საქმეთა სამინისტროში, რაც შეიძლება სწრაფად და ოპერატიულად უნდა გამოვლინდენ დამნაშავეები და დაისაჯონ.
რაც შეეხება ხელისუფლების ჩართულობას, ამას გამოვრიცხავ რა თქმა უნდა. ეს ჩვენი ოპონენტების სტილია, რომ თვითონ რასაც აკეთებდნენ და რა მეთოდებითაც მოქმედებდნენ, დააბრალონ დღევანდელ ხელისუფლებას’’, - განაცხადა ჯეჯელავამ.
არსებული ინფორმაციით, შს მინისტრის ყოფილ მოადგილეს, გელა ხვედელიძეს თავს ორი ნიღბიანი პირი გუშინ საკუთარ სახლთან დაესხა თავს.
გელა ხვედელიძეზე თავდასხმის ფაქტზე გამოძიება „საქართველოს სისხლის სამართლის კოდექსის“ 117-ე მუხლით მიმდინარეობს, რაც სხეულის განზრახ მძიმე დაზიანებას გულისხმობს.
ნინო ექვთიმიშვილი