უკან

უახლესი ამბები

დღის კალენდარი

ანონსები

არქივი

ეკონომიკა

16 თებერვალი, 2018 12:55
font-size

ჩვენი პაკეტიდან მხოლოდ ერთი ინიციატივის განხორციელება ვერ მოიტანს იმ მნიშვნელოვან ეფექტს, რაც მცირე და საშუალო ბიზნესს სჭირდება - ზურაბ ჭიაბერაშვილი

„ევროპული საქართველოს“ წევრი ზურაბ ჭიაბერაშვილი გამოეხმაურა პრემიერ-მინისტრ გიორგი კვირიკაშვილის მიერ წარმოდგენილ ინიციატივას, რომელიც ითვალისწინებს მცირე მეწარმეებისთვის ბრუნვის გადასახადის შემცირებას 5%-დან 1%-მდე.

ჭიაბერაშვილის თქმით, ეს ინიციატივა შედიოდა იმ საკანონმდებლო პაკეტში, რომელიც „ევროპულმა საქართველომ“ პარლამენტში 2017 წლის მარტში დაარეგისტრირა. სულ მასში 8 კანონპროექტი იყო წარმოდგენილი.

ჭიაბერაშვილმა კითხვით მიმართა პრემიერს, აისახება თუ არა აღნიშნული ცვლილება დამატებითი ღირებულების გადასახადზე. მან ასევე სთხოვა განმარტება, რატომ არ მიმართა ხელისუფლებამ გადასახადის სრულ გაუქმებას.

„როდესაც დასაბეგრი ზღვარი აიწია 100 000-დან 500 000 ლარამდე მცირე ბიზნესისთვის , შეეხება თუ არა ეს იმ ძალიან მნიშვნელოვან გადასახადს, როგორიცაა დღგ. თუ დღგ-ის ზედა ზღვარი რჩება 100 000 ლარი, ხოლო მის ზემოთ ვისაც აქვს ბრუნვა, ის მაინც გადაიხდის დღგ-ს, ბუნებრივია, ჩვენი კითხვა კვირიკაშვილის მიმართ არის ის , რომ მაშინ რაში მდგომარეობს არსებითი შეღავათი მცირე ბიზნესისთვის.

მეორე, თუკი მთავრობა აღარ ელის მცირე ბიზნესისგან გადახდილი გადასახადებისგან რამე ფისკალურ ეფექტს ბიუჯეტში, ანუ, ყველას კარგად გვესმის, რომ 1%-იანი შენატანი არ იქნება იმდენად მნიშვნელოვანი თანხა ბიუჯეტში, რომ მთავრობას საეროდ უღირდეს ამისი ადმინისტრირება. მაშინ ჩვენი ძირითადი კითხვა არის შემდეგი: რატომ არ განულდა საერთოდ ეს გადასახადი, მიგვაჩნია, რომ მთავრობა ამ 1%-იანი გადასახადით უბრალოდ ინარჩუნებს ბიზნესზე ბერკეტს, რომ აიძულოს მცირე ბიზნესი, აწარმოოს ზედმეტი ბუღალტერია, ვიდრე იმ შემთხვევაში დასჭირდებოდა, თუკი ამ გადასახადს საერთოდ გაანულებდა.

ესაა ის ძირითადი კითხვები, რაც ევროპულ საქართველოს აქვს კვირიკაშვილის მიმართ და რომლის თაობაზე ვითხოვთ განმარტებას. ზოგადი შეფასების სახით, ასე ფრაგმენტულად, ამოგლეჯილად ჩვენი პაკეტიდან მხოლოდ ერთი ინიციატივის განხორციელება ვერ მოიტანს იმ მნიშვნელოვან ეფექტს ეკონომიკისა და ბიზნესისათვის, რასაც ჩვენი მთლიანი პაკეტი ითვალისწინებს. ესაა არასრულფასოვნად და არასრულად იმის განხორციელება, რაც დღეს მცირე და საშუალო ბიზნესს სჭირდება“, -აღნიშნა ჭიაბერაშვილმა.

გიორგი კვირიკაშვილმა გუშინდელ მთავრობის სხდომაზე განაცხადა, რომ 5-ჯერ შემცირებული ბრუნვის გადასახადის გარდა მცირე მეწარმის კატეგორიაში მოხვდება 500 000 ლარამდე ბრუნვის მქონე საწარმო.

პრემიერის თქმით, მთავრობა მცირე ბიზნესის დახმარების მეორე ტალღას იწყებს.

ანა მებურიშვილი

ევროკომისია მზად არის დაგვეხმაროს საგზაო უსაფრთხოების დონის ამაღლებაში - გიორგი ქობულია

21 სექტემბერი, 2018 , 10:35

ბრიუსელში ვიზიტის ფარგლებში საქართველოს ეკონომიკისა და მდგრადი განვითარების მინისტრმა, გიორგი ქობულიამ ევროკომისართან ტრანსპორტის საკითხებში ვიოლეტა ბულცთან შეხვედრა გამართა, სადაც ტრანსპორტის სფეროსთან დაკავშირებული მნი

ევრორეგულაციების დანერგვა საქართველოს დიდ სარგებელს მოუტანს - ევროკომისარი ტრანსპორტის საკითხებში ვიოლეტა ბულცი

21 სექტემბერი, 2018 , 10:35

„დღევანდელი შეხვედრა მართლაც კონსტრუქციული იყო. ვისაუბრეთ ყველა მნიშვნელოვან საკითხზე და შევთანხმდით, რომ ჩვენს თანამშრომლობას მყარი საფუძველი აქვს“ - ამის შესახებ ევროკომისარმა ტრანსპორტის საკითხებში ვიოლეტა

გიორგი ქობულიამ და ვაჭრობის საკითხებში ევროკომისარმა სესილია მალმსტრომმა საქართველო-ევროკავშირს შორის ორმხრივი სავაჭრო ურთიერთობები განიხილეს

20 სექტემბერი, 2018 , 14:10

ეკონომიკისა და მდგრადი განვითარების მინისტრი გიორგი ქობულია ბრიუსელში DCFTA (ღრმა და ყოვლისმომცველი თავისუფალი ვაჭრობის შეთანხმება)-ის პირველ არაფორმალურ მინისტერიალში მონაწილეობს, რომელიც ვაჭრობის საკითხებში ევროკომისრი

1 აშშ დოლარის ოფიციალური ღირებულება 2.6179 ლარი გახდა

20 სექტემბერი, 2018 , 09:00

ეროვნული ბანკის მიერ გამოქვეყნებული მონაცემების თანახმად, 20 სექტემბერს ერთი ამერიკული დოლარის ღირებულება 2.6179 იქნება. 19 სექტემბერს ერთი დოლარის ფასი 2.6188 ლარი იყო. 1 ევროს ოფიციალური ღირებულება 3.0606 ლარი გახდა.

1 აშშ დოლარის ოფიციალური ღირებულება 2.6179 ლარი გახდა

19 სექტემბერი, 2018 , 17:50

ეროვნული ბანკის მიერ გამოქვეყნებული მონაცემების თანახმად, 20 სექტემბერს ერთი ამერიკული დოლარის ღირებულება 2.6179 იქნება. 19 სექტემბერს ერთი დოლარის ფასი 2.6188 ლარი იყო. 1 ევროს ოფიციალური ღირებულება 3.0606 ლარი გახდა.

საქართველოს ეროვნული ბანკი სავალუტო აუქციონის შედეგს აქვეყნებს

19 სექტემბერი, 2018 , 17:10

საქართველოს ეროვნული ბანკის ცნობით, 2018 წლის 19 სექტემბერს გამართულ საქართველოს ეროვნული ბანკის სავალუტო აუქციონზე სებ-მა 10 000 000 აშშ დოლარი შეისყიდა. საშუალო შეწონილმა გაცვლითმა კურსმა 2.6188 შეადგინა.

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`