უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
სამართალი
ჩვენი თანამშრომელი ფიგურირებს ამ საქმეში და შესაბამის გადაწყვეტილებას მიიღებს პროკურატურა - გიორგი მღებრიშვილი
პასუხისგებაში მიეცემა თუ არა მიეცემა, ამაზე კომპეტენტურ პასუხს გაგცემთ პროკურატურა, ვინაიდან და რადგანაც ის იძიებს ამ საქმეს, - ასე უპასუხა შს მინისტრმა, გიორგი მღებრიშვილმა ტელეკომპანია ,,იბერიის’’ ჟურნალისტ გიორგი გასვიანის შეკითხვას, თუ რატომ არ არიან პასუხისგებაში მიცემული ის პირები, რომლებმაც ბორჯომში რამდენიმე დღის წინ მას სიტყვიერი და ფიზიკური შეურაცხყოფა მიაყენეს.
,,იმიტომ, რომ რამე სუბიექტური განცხადები არ ჩამოყალიბებულიყო, ამ სისხლის სამართლის საქმეს ამ ეტაპზე იძიებს პროკურატურა. ვინმეს რომ არ დაედო ჩვენთვის ბრალი იმაში, რომ ვინმეს მფარველობდით, პროკურატურა იძიებს ამ საქმეს. მოგეხსენებათ, ჩვენი თანამშრომელი ფიგურირებს ამ საქმეში და შესაბამის გადაწყვეტილებას მიიღებს პროკურატურა. რაც შეეხება ამ პოლიციელს, თქვენ ალბათ კურსში ხართ, რომ ის აღარ მუშაობს შინაგან საქმეთა სამინისტროში, მან დაწერა პატაკი განთავისუფლების თაობაზე და ჩვენ ის დავუკმაყოფილეთ. პასუხისგებაში მიეცემა თუ არა მიეცემა, ამაზე კომპეტენტურ პასუხს გაგცემთ პროკურატურა, ვინაიდან და რადგანაც ის იძიებს ამ საქმეს’’, - განაცხადა გიორგი მღებრიშვილმა.
ნინო ნექვთიმიშვილი