პოლიტიკა
ჩვენი ურთიერთობები და კომუნიკაცია პრეზიდენტ დონალდ ტრამპთან შენარჩუნდება - გიორგი მარგველაშვილი
საქართველოს პრეზიდენტის გიორგი მარგველაშვილის განცხადებით, დონალდ ტრამპის პრეზიდენტობის დროს აშშ-თან ურთიერთობა ძლიერი დარჩება, მიუხედავად იმისა, რომ ტრამპი რუსეთთან კავშირების გაუმჯობესებისკენ მოწოდებებით გამოირჩეოდა.
ამის შესახებ მარგველაშვილმა Reuters-თვის მიცემულ ინტერვიუში განაცხადა.
მარგველაშვილი აღნიშნავს, რომ ტრამპის ხელისუფლებაში მოსვლის პერსპექტივასთან დაკავშირებით ოპტიმისტურადაა განწყობილი.
"ჩვენი ურთიერთობები და კომუნიკაცია პრეზიდენტ დონალდ ტრამპთან, ასევე ჩვენს რესპუბლიკელ და დემოკრატ მეგობრებთან კონგრესში შენარჩუნდება, რადგან ჩვენ ვსაუბრობთ ინტერესებსა და მიზნებზე, რომლებსაც ბოლო 25 წლის განმავლობაში ვიზიარებთ. ჩვენ არასდროს გვქონია შეშფოთება ჩვენს მოკავშირეებთან დაკავშირებით, ჩვენ დაინტერესებული ვართ დღის წესრიგის გააქტიურებით და არ ვფიქრობთ, რომ ეს დღის წესრიგი დაირღვევა“, - განაცხადა გიორგი მარგველაშვილმა.
მონიკა დავლიანიძე