პოლიტიკა

ჩვენი საერთაშორისო ვალდებულებებაა, დელეგატები ჩამოუშვათ ყრილობაზე - გიორგი კვირიკაშვილი

საქართველოს პრემიერ-მინისტრ გიორგი კვირიკაშვილისთვის უცნობია, არიან თუ არა ეუთოს საპარლამენტო ასამბლეის რუსეთის დელეგაციის შემადგენლობაში ისეთი დელეგატები, რომლებსაც საქართველოს კანონი „ოკუპაციის შესახებ“ აქვთ დარღვეული.

ამის შესახებ კვირკაშვილმა საკითხის კომენტირებისას ჟურნალისტებს განუცხადა.

„ეს არის ძალიან დელიკატური საკითხი. ამ ფორუმის მომწვევი მხარე არ არის საქართველო, არის ეუთოს საპარლამენტო ასამბლეა. გამომდინარე აქედან, ჩვენ ჩვენი საერთაშორისო ვალდებულებების შესრულების კუთხით, ვალდებული ვართ, რომ დელეგატები ჩამოუშვათ ყრილობაზე . რაც შეეხება იმას, რომ რატომ არ შეიქმნა მექანიზმი, ჩვენ შევთავაზეთ რუსულ მხარეს, რომ მათ შეერჩიათ ისეთი დელეგატები, რომლებსაც დარღვეული არ ექნებოდათ კანონმდებლობა. ჩემთვის ამჟამად უცნობია არიან თუ არა. რეაგირება იქნება ჩვენი მხრიდან, მაგრამ, რა თქმა უნდა, ჩვენ ახლა დელეგატების დაკავებას ვერ დავიწყებთ საქართველოში“,-აღნიშნა კვირიკაშვილმა.

მონიკა დავლიანიძე