უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
„COVID-19-ის კრიზისი და როგორ შეგვიძლია რეაგირება ერთობლივად, როგორც სახელმწიფოს` - რეკომენდაციების დოკუმენტი მომზადდა
რეკომენდაციების დოკუმენტი - „COVID-19-ის კრიზისი და როგორ შეგვიძლია რეაგირება ერთობლივად, როგორც სახელმწიფოს" მომზადდა. ამის შესახებ „საქართველოს დამსაქმებელთა ასოციაციის“ განცხადებაშია აღნიშნული.
ასოციაცია მზადყოფნას გამოთქვამს დაინტერესებულ პირებს გაუზიაროს აღნიშნულ დოკუმენტში შემოთავაზებული რეკომენდაციები.
„შრომის საერთაშორისო ორგანიზაციისა (ILO) და დამსაქმებელთა საერთაშორისო ორგანიზაციის (IOE) ეგიდითა და ბიზნეს გაერთიანება „საქართველოს დამსაქმებელთა ასოციაციის“ მონაწილეობით, მომზადდა რეკომენდაციების დოკუმენტი სახელწოდებით - „COVID-19-ის კრიზისი და როგორ შეგვიძლია რეაგირება ერთობლივად, როგორც სახელმწიფოს.” დოკუმენტი დაფუძნებულია დამსაქმებელთა საერთაშორისო ორგანიზაციის (IOE) 150 ქვეყნის ბიზნეს გაერთიანებების ხედვებზე, ექსპერტულ მოსაზრებებსა და კონკრეტული სახელმწიფოების გამოცდილებაზე.
„საქართველოს დამსაქმებელთა ასოციაცია“ გამოხატავს მზადყოფნას ბიზნეს სექტორს, სახელმწიფო სტრუქტურებს, პარტნიორ ორგანიზაციებსა, თუ სხვა დაინტერესებულ პირებს გაუზიაროს აღნიშნულ დოკუმენტში შემოთავაზებული რეკომენდაციები და გადაწყვეტილებები, რათა მოხდეს COVID-19 პანდემიით გამოწვეული ეკონომიკურ და სოციალურ კრიზისთან გამკლავება.
დოკუმენტი მოიცავს ჯანდაცვის სისტემის, დასაქმებულთა, მეწარმეების, დაზარალებული სექტორების, პროდუქციის წარმოების მომარაგების ჯაჭვის უწყვეტობის, ეკონომიკის მდგრადობის, კრიზისულ და პოსტ-კრიზისულ პერიოდში ეკონომიკის აღდგენის ხელშემწყობი ზომების შესახებ კონკრეტულ გადაწყვეტილებებს.
ამასთან აღნიშნულია, რომ შემოთავაზებული რეკომენდაციების აღსრულება დაფუძნებულია მთავრობის, დამსაქმებელთა და დასაქმებულთა ორგანიზაციების ერთობლივ მუშაობაზე და მხოლოდ ყველა დაინტერესებული მხარის თანამშრომლობითაა შესაძლებელი პანდემიით გამოწვეული უარყოფითი შედეგების შემსუბუქება და გრძელვადიან პერსპექტივაში მათი გადალახვა.
დოკუმენტში ასევე ასახულია „საქართველოს დამსაქმებელთა ასოციაციის“ მიერ ბიზნესის საჭიროებებზე მიმართული სერვისები, რომლებიც ხელს შეუწყობს ბიზნესის უწყვეტობას არსებულ რეალობაში.
დამსაქმებელთა ასოციაციის სერვისები მოიცავს კრიზისის მიმდინარეობისას ეკონომიკურ საქმიანობაში ჩართული კომპანიებისთვის ჯანმრთელობისა და შრომის უსაფრთხოების ნორმების და ახლად გამოცემული რეკომენდაციების დანერგვას, დასაქმებულთა ჯანმრთელობისა და უსაფრთხოების უზრუნველყოფის მიზნით.
ბიზნეს გაერთიანება „საქართველოს დამსაქმებელთა ასოციაცია“ პარტნიორ საერთაშორისო ორგანიზაციებთან უწყვეტ რეჟიმში განაგრძობს მუშაობას, რათა დაინტერესებულ მხარეებს, განსაკუთრებით, წევრ კომპანიებს, კრიზისულ პერიოდში ეკონომიკური და სოციალური მდგრადობის შენარჩუნების შესახებ გლობალური გამოცდილებით დაგროვილი ცოდნა გაუზიაროს",- აღნიშნულია განცხადებაში.