უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
რეგიონები
დაბა სიონის და სოფელ ჩანადირთკარის გაზიფიცირება დასრულდა
ენერგეტიკის მინისტრის მოადგილემ რომეო მიქაუტაძემ, საქართველოს პარლამენტის მაჟორიტარმა დეპუტატმა ზაქარია ქუცნაშვილმა და კომპანია ,,სოკარ ჯორჯია გაზის“ დირექტორმა აზერ მამადოვმა, თიანეთის მუნიციპალიტეტის დაბა სიონში და დუშეთის მუნიციპალიტეტის სოფელ ჩანადირთკარში ახლადაშენებული გაზგამანაწილებელი ქსელი დაათვალიერეს.
ენერგეტიკის სამინისტროს ინფორმაციით, კომპანია „სოკარ ჯორჯია გაზმა" დაბა სიონში 30კმ სიგრძის საშუალო წნევის გაზსადენი ააშენა, რის შედეგადაც სოფელში მცხოვრებ 497 პოტენციურ აბონენტს ბუნებრივი გაზის ქსელში ჩართვის შესაძლებლობა მიეცა.
სოფელ ჩანადირთკარის მიმართულებით 10,5კმ სიგრძის საშუალო წნევის გაზსადენი აშენდა, რის შედეგადაც სოფელში მცხოვრებ 155 პოტენციურ აბონენტს საშუალება მიეცა ჩაერთოს ბუნებრივი გაზის ქსელში.
,,ჩვენი მოსახლეობის საცხოვრებელი პირობების გაუმჯობესებისათვის მნიშვნელოვანია, რომ ოჯახებს ჰქონდეთ შესაძლებლობა ჩაერთონ გაზგამანაწილებელ ქსელში და მოიხმარონ ბუნებრივი აირი. განსაკუთრებით ისეთ რეგიონებში, სადაც მკაცრი კლიმატური პირობებია. სწორედ ამიტომ, ბოლო წლების განმავლობაში აქტიურად ვახორციელებთ გაზიფიცირების სამუშაოებს და 2013 წლიდან ბუნებრივი გაზის ქსელში ჩაერთო 200 ათასი აბონენტი. 2014 წელიდან კი, ქსელში დაერთების საფასური 600 ლარიდან 400 ლარამდე შემცირდა და მოსახლეობას აქვს საშუალება ისარგებლოს გრძელვადიანი უპროცენტო განვადებით”- განაცხადა რომეო მიქაუტაძემ
2013 წლიდან დღემდე თიანეთის მუნიციპალიტეტში, კომპანია ,,სოკარ ჯორჯია გაზის“ მიერ განხორცილებულმა ინვესტიციამ 7 მლნ ლარი შეადგინა. დუშეთის მუნიციპალიტეტის გაზიფიცირებისათვის კი 7,7 მლნ ლარის ინვესტიცია განხორციელდა. აღნიშნულ პერიოდში მცხეთა-მთიანეთის რეგიონში ბუნებრივი გაზის ქსელში ჩართვის შესაძლებლობა 11 ათასამდე აბონენტს მიეცა.