უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
სამართალი
დადგინდა, რომ ზურაბ ჟვანიას საქმეზე ექსპერტი ლევან ჩაჩუა იყო უდანაშაულო - ოთარ კახიძე
ზურაბ ჟვანიას საქმის ექსპერტის ლევან ჩაჩუას სასამართლო პროცესთან დაკავშირებით დღეს ,,ნაციონალური მოძრაობის’’ ოფისში ბრიფინგი გაიმართა.
როგორც პარტიის წევრმა, ოთარ კახიძემ განაცხადა, ექსპერტ ლევან ჩაჩუას სასამართლო პროცესის დასრულებით უნდა დასრულდეს სპეკულაციები ყოფილი პრემიერის გარდაცვალების თემაზე.
„კიდევ ერთხელ აეხადა ფარდა ,,ქართული ოცნების’’ ცილისწამებას და მიცვალებულის სახელით სპეკულირებას. დადგინდა, რომ ზურაბ ჟვანიას საქმეზე ექსპერტი ლევან ჩაჩუა იყო უდანაშაულო და მას როგორი დასკვნაც ჰქონდა შედგენილი და როგორი ექსპერტიზაც ჰქონდა ჩატარებული, ეს იყო სწორი.
ივანიშვილის მართლმსაჯულების სისტემამაც კი ვერ მოახერხა სიმართლეს დაპირისპირებოდა და იძულებული გახდა ეღიარებინა, რომ ამდენი ხნის განმავლობაში უსაფუძვლოდ და სამარცხვინოდ სპეკულირებდა ყოფილი პრემიერ-მინისტრის გარდაცვალებით. ეს არის ჩვეულებრივი სტილი ხელისუფლების,“ - განაცხადა ოთარ კახიძემ.
ცნობისათვის: საქართველოს უზენაესმა სასამართლომ, პროკურატურის საჩივარი ლევან ჩიჩუასთან დაკავშირებით, წარმოებაში არ მიიღო.
ამით მან მეორე ინსტანციის გადაწყვეტილება ძალაში დატოვა და ზურაბ ჟვანიასა და რაულ უსუფოვის გარდაცვალების საქმეზე ექსპერტი ლევან ჩიჩუა უდანაშაულოდ ცნო. ამით ამ საქმეზე სასამართლო პროცესები დასრულდა.
პროკურატურა ლევან ჩაჩუას ზურაბ ჟვანიასა და რაულ უსუპოვის გარდაცვალების საქმეზე გვამების გამოკვლევისას გულგრილობასა და სამსახურებრივი მოვალეობის არაჯეროვნად შესრულებაში ადანაშაულებდა.
ნინო ექვთიმიშვილი