პოლიტიკა

დაინტერესებულები ვართ საქართველოსთან ურთიერთობების აღდგენით, თუმცა არა აფხაზეთის და სამხრეთ ოსეთის აღიარებაზე უარის თქმის ხარჯზე - გრიგორი კარასინი

თბილისში უყვართ საუბარი იმაზე, რომ რუსეთთან ურთიერთობის ნორმალიზების მხრივ უპირველეს ყოვლისა იმედოვნებდნენ აფხაზეთისა და სამხრეთ ოსეთის დამოუკიდებლობის აღიარების გაუქმებას და რომ ახლა, მოტყუებულნი არიან ამ მოლოდინის გამო; ეს ნამდვილი მელაკუდობაა, - განაცხადა რუსეთის საგარეო საქმეთა მინისტრის მოადგილემ, გრიგორი კარასინმა რუსულ გაზეთ ,,კომერსანტთან“ ინტერვიუში.

მისი თქმით, 2012 წლის დეკემბერში, როდესაც რუსეთ-საქართველოს ურთიერთობების ნორმალიზებისთვის აბაშიძე-კარასინის შეხვედრები დაიწყო, რუსულმა მხარემ თავიდანვე ,,გააფრთხილა ქართველი პარტნიორები, არ შექმნოდათ ილუზია იმასთან დაკავშირებით, რომ საქართველოსთან ორმხრივი ურთიერთობის აღდგენა შეასუტებდა დამოუკიდებელ აფხაზეთთან და სამხრეთ ოსეთთან რუსეთის თანამშრომლობას.“

მისივე თქმით, რუსეთი კვლავაც აპირებს საქართველოსთან ორმხრივი ურთიერთობის გაჯანსაღებაზე მუშაობს.

,,რუსული მხარე ურთიერთობის ნორმალიზების გზაზე იმდენად შორს წავა, რამდენადაც იქნება მზად ამისთვის ქართული მხარე. დაინტერესებულები ვართ რუსეთ-საქართველოს კეთილმეზობლური ურთიერთობების აღდგენით, თუმცა არა აფხაზეთის და სამხრეთ ოსეთის აღიარების შესახებ მიღებული საბედისწერო გადაწყვეტილებაზე უარის თქმის ხარჯზე“, - განაცხადა კარასინმა.

ნინო ექვთიმიშვილი