უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
არქივი
პოლიტიკა
დაიწყო უკვე მუქარები - თამარ ჩუგოშვილი მიხეილ სააკაშვილის განცხადებაზე
საქართველოს პარლამენტის ვიცე-სპიკერი თამარ ჩუგოშვილი გამოეხმაურა საქართველოს ყოფილი პრეზიდენტის, მიხეილ სააკაშვილის განცხადებას. დეპუტატმა სააკაშვილის ნათქვამი მუქარად შეაფასა.
„დაიწყო უკვე მუქარები.
დიახ, სამართლიანი არჩევნების ნორმალურად ჩატარება იყო შეუძლებელი. კარგად მახსოვს თქვენი გადაწერილი ოქმები, რომელსაც ზოგჯერ 100%-მდეც ვერ ამრგვალებდით და 102, 103% გეწერათ. 2012 წელს რაც მოხდა, ეგ თქვენი დამსახურება ნამდვილად არ არის. სპეცნაზი გყავდათ მობილიზებული ყველა უბანზე და ხაშურში შევარდით კიდეც. საბოლოო შედეგი თქვენი დამსახურება ნამდვილად არ ყოფილა და ვისიც იყო, ყველამ ვიცით.
რაც შეეხება „ვინმე ჩუგოშვილს“, ნამდვილად არ გეცოდინებით, საქართველოს ახალგაზრდა იურისტთა ასოციაცია და ზოგადად არასამთავრობო ორგანიზაციები სულ არ გაინტერესებდათ და არასდროს არ მიგიქცევიათ ყურადღება, რას ამბობდნენ“, - დაწერა ჩუგოშვილმა ფეისბუკის საკუთარ გვერდზე, სადაც გამოაქვეყნა ფრაგმენტი სააკაშვილის ინტერვიუდან, რომელშიც დეპუტატია ნახსენები.
როგორც სააკაშვილმა რუსთავი 2-ის გადაცემაში „არჩევანი“ თქვა, რომ „ქართული ოცნების“ წევრების განცხადებები, რომ საპრეზიდენტო არჩევნები მეორე ტურში მათ მიერ მხარდაჭერილი კანდიდატი, სალომე ზურაბიშვილი გაიმარჯვებს, არის აბსურდი.
„როდესაც ვინმე ჩუგოშვილი იძახის, სააკაშვილის დროს შეუძლებელი იყო ხელისუფლების გადაცემაო, უკაცრავად, გოგო, აბა მოდი ცოტა ჭკუაზე. აბა, შენ ხელისუფლებაში როგორ მოხვედი, ქალბატონო ჩუგოშვილო? მე ეგზიტპოლების გამოცხადებიდან 5 წუთში დავადასტურე ეს შედეგი. მერე ერთთვიანი კურსი ჩაგიტარეთ უიმედოებს, მაგრამ მაინც, სახელმწიფოს მართვის. გადმოგაბარეთ ეს საათივით აწყობილი სახელმწიფო მანქანა, წავედით ისე, რომ პრეზიდენტის სასახლიდან არ წამიღია სუვენირებიც კი და თქვენ იძახით, რომ ჩვენ დროს არ ხდებოდა გადაბარება?“ - განაცხადა მიხეილ სააკაშვილმა.